കോട്ടയം: തലയോലപ്പറമ്പ് തേവലക്കാട് കരിക്ക് ഇടാന് കയറിയ യുവാവ് തെങ്ങിന് മുകളില് മരിച്ച നിലയില്. ഉദയനാപുരം സ്വദേശി ഷിബു(40) ആണ് മരിച്ചത്.
തിങ്കളാഴ്ച രാവിലെയാണ് ഷിബു തെങ്ങിന് മുകളില് കയറിയത്. ഏറെ നേരം കഴിഞ്ഞിട്ടും ഇയാളെ കാണാത്തതിനെ തുടര്ന്ന് നടത്തിയ അന്വേഷണത്തിലാണ് തെങ്ങിന് മുകളില് മരിച്ച നിലയില് കണ്ടെത്തിയത്.
അസ്വാഭാവിക മരണത്തില് പൊലീസ് അന്വേഷണം നടത്തുന്നുണ്ട്. വൈക്കത്ത് നിന്ന് അഗ്നിരക്ഷാ സേന എത്തിയാണ് മൃതദേഹം താഴെ ഇറക്കിയത്. കര്ക്കടകവാവിന് വില്ക്കാനുള്ള കരിക്കിടാനാണ് ഷിബു തെങ്ങില് കയറിയത്. പോസ്റ്റ്മോര്ട്ടം റിപ്പോര്ട്ട് പുറത്തുവന്നാല് മാത്രമേ മരണകാരണം എന്തെന്ന് അറിയാനാകൂ.
