പത്തനംതിട്ട : കൊടുമണില് വീട്ടമ്മയെ തൂങ്ങി മരിച്ച നിലയില് കണ്ടെത്തി. അമിതമായി ഗുളികകള് കഴിച്ച ഭര്ത്താവിനെയും മകനേയും നാട്ടുകാര് കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു. കൊടുമണ് രണ്ടാം കുറ്റി സ്വദേശി ലീല (48) യാണ് മരിച്ചത്.
സാമ്പത്തിക പ്രതിസന്ധിയെ തുടര്ന്ന് തങ്ങള് ജീവനൊടുക്കാന് ശ്രമിക്കുകയായിരുന്നുവെന്നാണ് ഭര്ത്താവും മകനും പൊലീസിനോട് പറഞ്ഞത്. ദമ്പതികള് അമിതമായി ഗുളികകള് കഴിച്ചുവെന്നും എന്നാല് പേടിയാണെന്ന് പറഞ്ഞ് മകന് പിന്മാറുകയുമായിരുന്നും പറയുന്നു. തുടര്ന്ന് തങ്ങള് ഉറങ്ങിക്കിടക്കുന്ന സമയത്ത് ലീല കിടപ്പുമുറിയിലെ ഫാനില് തൂങ്ങി കെട്ടിത്തൂങ്ങുകയാായിരുന്നുവെന്നും ഇക്കാര്യം രാവിലെയാണ് തങ്ങള് അറിഞ്ഞതെന്നുമാണ് ഇരുവരും അയല്വാസികളെ അറിയിച്ചത്. തങ്ങളും ഗുളികകള് കഴിച്ചെന്ന് ഇരുവരും വെളിപ്പെടുത്തിയതോടെ ഇവരെ ആദ്യം അടൂര് താലൂക്ക് ആശുപത്രിയിലും തുടര്ന്ന് കോട്ടയം മെഡിക്കല് കോളേജിലും പ്രവേശിപ്പിച്ചു.
കുടുംബത്തിനു കടുത്ത സാമ്പത്തിക ബാധ്യത ഉണ്ടായിരുന്നു എന്നും സംഭവത്തില് വിശദമായ അന്വേഷണം നടത്തി വരികയാണെന്നും പോലീസ് അറിയിച്ചു.
