വെളളാപ്പളളിയുടെ വിദ്വേഷ പ്രസംഗങ്ങള് എസ്എന്ഡിപി യോഗത്തിന്റെ തലയില് കെട്ടിവക്കരുത്
കോട്ടയം : സന്താന മതവിദ്വേഷ പ്രസംഗം നടത്തുകയും ‘മുസ്ലിം സ്ത്രീകള് ഉത്പാദന യന്ത്രങ്ങ’ളാണെന്ന തരത്തില് പ്രസ്താവന നടത്തി സ്ത്രീത്വത്തെ അപമാനിക്കുകയും ചെയ്ത വെള്ളാപ്പള്ളി നടേശനെതിരെ കോട്ടയം വെസ്റ്റ് പോലീസ് സ്റ്റേഷനില് പരാതി നല്കിയതായി എസ്എന്ഡിപി സംരക്ഷണ സമിതി ഭാരവാഹികള് അറിയിച്ചു. കാലാവധി കഴിഞ്ഞിട്ടും അധികാരത്തില് കടിച്ചു തൂങ്ങുന്ന വെളളാപ്പളളി നടേശന്റെ വിദ്വേഷ പ്രസംഗങ്ങള് മുഴുവന് എസ്എന്ഡിപി യോഗത്തിന്റെ തലയില് കെട്ടിവക്കരുതെന്നും അത് വെള്ളാപ്പള്ളിയുടെ വ്യക്തിപരമായ അഭിപ്രായമാണെന്നും സമിതി ഭാരവാഹികള് പറഞ്ഞു.
വെളളാപ്പിള്ളി നടേശനെ ഏറ്റവും ഒടുവില് യോഗം ജന.സെക്രട്ടറിയായി തെരഞ്ഞെടുത്തത് 2014 ലാണ്. 2019ല് കാലാവധി അവസാനിച്ചെങ്കിലും, തെരഞ്ഞെടുപ്പു നടത്താതെ അധികാരത്തില് കടിച്ചുതൂങ്ങുന്ന നടേശന് അടുത്ത തെരഞ്ഞെടുപ്പുുവരെ ‘കെയര്ടേക്ക’റായി തുടരാമെന്നല്ലാതെ നയപരമായ തീരുമാനങ്ങള് കൈക്കൊള്ളാന് അധികാരമില്ല. 30ലക്ഷത്തില്പരം അംഗങ്ങളുള്ള യോഗത്തിന്റെ നിയമാനുസൃതം തെരഞ്ഞെടുക്കപ്പെട്ട ജനറല് സെക്രട്ടറിയാണെന്ന ആനുകൂല്യത്തിലാണ് ഇദ്ദേഹം കാട്ടിക്കൂട്ടുന്ന നിയമ വിരുദ്ധ പ്രവൃത്തികള്ക്കെതിരെ പൊതു സമൂഹം പ്രതികരിക്കാത്തതെന്നും ഭാരവാഹികള് പറഞ്ഞു
