അടുക്കളയില് ഉപയോഗിക്കുന്ന ഒട്ടുമിക്ക സാധനങ്ങളിലും ഇന്ന് മായം കലര്ന്ന അവസ്ഥയാണ്. പണ്ട് കാലത്ത് വീട്ടില് തന്നെ തയ്യാറാക്കിയിരുന്ന സാധനങ്ങള് പുറത്ത് നിന്ന് വാങ്ങാന് തുടങ്ങിയതോടെയാണ് മായം ചേര്ക്കല് വര്ദ്ധിച്ചത്. ഇത്തരത്തില് വ്യാപകമായി മായം ചേര്ക്കലിന് ഇരയാകുന്ന ഉത്പന്നമാണ് വെളിച്ചെണ്ണ. ഗുരുതരമായ ആരോഗ്യ പ്രശ്നങ്ങളും കരള് രോഗങ്ങളും വരെ വരാന് സാദ്ധ്യതയുള്ളതാണ് വെളിച്ചെണ്ണയിലെ മായം ചേര്ക്കല്.
എന്നാല് കടയില് നിന്ന് വാങ്ങുന്ന വെളിച്ചെണ്ണ മായം ചേര്ത്തതാണോ ഒര്ജിനലാണോ എന്ന് എളുപ്പത്തില് തിരിച്ചറിയാന് കഴിയും. വെറും ഒരു മിനിറ്റിനുള്ളില് സംഭവം തിരിച്ചറിയാന് കഴിയുന്ന ചില വിദ്യകളുണ്ട്. വെളിച്ചെണ്ണ മാത്രമല്ല വീട്ടില് സ്ഥിരമായി ഉപയോഗിക്കുന്ന ഒലിവ് ഓയില്, പാമോലിന്, സണ്ഫ്ളവര് ഓയില് തുടങ്ങിയവയിലും മായം ചേര്ന്നിട്ടുണ്ടോയെന്ന് എളുപ്പത്തില് കണ്ടെത്താം
മായം കലർന്ന വെളിച്ചെണ്ണയ്ക്ക് അല്പം മഞ്ഞ നിറമുണ്ട്, ശുദ്ധമായത് ഏതാണ്ട് സുതാര്യമാണ്. ഒരു പാത്രത്തിൽ കുറച്ച് എണ്ണ ഒഴിച്ച് ഏകദേശം 10 മിനിറ്റ് നേരം വയ്ക്കാം. ഇത് സുതാര്യമാണെന്ന് തോന്നുന്നുവെങ്കിൽ, നിങ്ങൾ ഉപയോഗിക്കുന്ന വെളിച്ചെണ്ണ ശുദ്ധമാണെന്ന് ഇതിനർത്ഥം. കൂടാതെ, അശുദ്ധമായ വെളിച്ചെണ്ണ അല്പം മങ്ങിയതായി കാണപ്പെടും.
പാനിൽ വെളിച്ചെണ്ണ ചേർത്ത് ചൂടാക്കാം. മായം ചേർന്ന വെളിച്ചെണ്ണയെങ്കിൽ ചൂടാകുമ്പോൾ തന്നെ കരിഞ്ഞമണം വരും. നല്ലതെങ്കിൽ തനിനാടൻ വെളിച്ചെണ്ണയുടെ ഗന്ധമായിരിക്കും ആർക്കും മനസ്സിലാക്കാം
വെളിച്ചെണ്ണ കുപ്പി ഫ്രിഡ്ജില് സൂക്ഷിക്കുന്നതിലൂടെയും മായം ചേര്ന്നിട്ടുണ്ടോയെന്ന് മനസ്സിലാക്കാം. രണ്ട് മണിക്കൂര് വെളിച്ചെണ്ണയോടെ ഫ്രിഡ്ജില് വയ്ക്കുക. മായം ചേര്ന്നിട്ടുണ്ടെങ്കില് കുപ്പിയുടെ മുകളില് ദ്രാവകാവസ്ഥയില് നിറവ്യത്യാസത്തോടെ കാണാന് സാധിക്കും. ഫ്രിഡ്ജില് സൂക്ഷിച്ച വെളിച്ചെണ്ണയില് മായം കലര്ന്നിട്ടില്ലെങ്കില് അത് തണുത്ത് ഉറഞ്ഞ് വെള്ള നിറത്തിലായിരിക്കും രൂപമാറ്റം വരുക.
ഒരു ബൗളിൽ അൽപം വെളിച്ചെണ്ണ എടുത്തുവെക്കുക. ഇതിലേക്ക് ഒരു സ്പൂൺ യെല്ലോ ബട്ടർ ചേർക്കുക. വെളിച്ചെണ്ണയുടെ നിറം മാറുന്നുണ്ടെങ്കിൽ അതു മായം കലർന്നതാണെന്ന് മനസ്സിലാക്കാം. വെളിച്ചെണ്ണയ്ക്ക് മാറ്റമൊന്നും സംഭവിച്ചില്ലെങ്കിൽ ശുദ്ധവുമാണ്.
