കോഴിക്കോട് : സ്വകാര്യബസുകളുടെ മരണപ്പാച്ചിലില് മനുഷ്യാവകാശ കമ്മീഷന്റെ ഇടപെടല്. കോഴിക്കോട് പേരാമ്പ്രയിലെ അപകടത്തില് വിദ്യാര്ത്ഥി മരിച്ചതില് ഉടന് റിപ്പോര്ട്ട് സമര്പ്പിക്കണമെന്ന് മനുഷ്യാവകാശ കമ്മീഷന് ജുഡീഷ്യല് അംഗം കെ ബൈജു നാഥ് നിര്ദേശം നല്കി.
കോഴിക്കോട് റൂറല് എസ്പിക്കും ആര്ടിഒക്കുമാണ് നിര്ദേശം .15 ദിവസത്തിനകം റിപ്പോര്ട്ട് സമര്പ്പിക്കണം.
സംഭവത്തില് അധികൃതരുടെ കര്ശന ഇടപെടല് വേണമെന്ന് മനുഷ്യാവകാശ കമ്മീഷന് ആവശ്യപ്പെട്ടു.പേരാമ്പ്ര ഭാഗത്തേക്ക് പോവുകയായിരുന്ന സ്വകാര്യ ബസ് സ്കൂട്ടറിന്റെ പിന്നില് ഇടിച്ചതോടെ മറിഞ്ഞുവീണ യുവാവിന്റെ തലയില് ബസിന്റെ ടയര് കയറി.
മരുതോങ്കര മൊയിലോത്തറ താഴത്തു വളപ്പില് അബ്ദുള് ജലീലിന്റെ മകന് അബ്ദുള് ജവാദ് ആണ് ശനിയാഴ്ച വൈകിട്ട് 3:45 ഓടെ ഉണ്ടായ അപകടത്തില് മരിച്ചത്. ബസിന്റെ അമിതവേഗതയും മത്സര ഓട്ടവുമാണ് അപകടകാരണമെന്ന് നാട്ടുകാര് ആരോപിച്ചു.
