ലോസ് ഏഞ്ചല്സ് : ഈസ്റ്റ് ഹോളിവുഡ് നിശാക്ലബ്ബിന് പുറത്ത് കാത്തുനിന്ന ജനക്കൂട്ടത്തിലേക്ക് കാര് ഇടിച്ചുകയറി 30 പേര്ക്ക് പരിക്കേറ്റു, ഏഴ് പേരുടെ നില ഗുരുതരമാണ്. മനഃപൂര്വ്വം കാര് ഓടിച്ചുകയറ്റിയെന്ന് സംശയിക്കുന്ന 29 കാരനെ പോലീസ് അറസ്റ്റ് ചെയ്തു.
ഇതിനിടെ കുപിതരായ ആള്ക്കൂട്ടത്തില്നിന്ന് ഒരാള് ഉതിര്ത്ത വെടിയേറ്റ് ഇയാള്ക്ക് പരിക്കേല്ക്കുകയും ചെയ്തു.
‘ടാക്കോ സ്റ്റാന്ഡിലൂടെയും വാലെറ്റ് പോഡിയത്തിലൂടെയും അകത്തേക്ക് പോകാന് കാത്തുനിന്ന ആളുകളുടെ ഇടയിലൂടെ കാര് ഓടിച്ചുകയറ്റുകയായിരുന്നുവെന്ന് ലോസ് ഏഞ്ചല്സ് സിറ്റി ഫയര് ഡിപ്പാര്ട്ട്മെന്റ് ഉദ്യോഗസ്ഥന് പറഞ്ഞു. വെര്മോണ്ട് ഹോളിവുഡ് സംഗീത വേദിക്ക് മുന്നില് തടിച്ചുകൂടിയ ജനക്കൂട്ടത്തെ കാര് ഇടിച്ചുതെറിപ്പിച്ചതായി അദ്ദേഹം വിശദീകരിച്ചു.
വാഹനം നിന്നപ്പോള്, സമീപത്തുണ്ടായിരുന്നവര് ഡ്രൈവറെ വലിച്ചിറക്കി ആക്രമിച്ചു. അതിനിടെ ഒരാള് ഡ്രൈവറെ വെടിവച്ചുവെന്നും ലോസ് ഏഞ്ചല്സ് പോലീസ് ഡിപ്പാര്ട്ട്മെന്റിലെ പബ്ലിക് ഇന്ഫര്മേഷന് ഓഫീസര് അറിയിച്ചു.
