തിരുവനന്തപുരം : കേരളത്തില് പോപ്പുലര് ഫ്രണ്ട് പ്രവര്ത്തകര് രാഷ്ട്രീയ പാര്ട്ടിയായ എസ്ഡിപിഐയിലേക്ക് കുടിയേറിയെന്ന് ഡി ജി പി റവാഡ ചന്ദ്രശേഖര്. പിഎഫ്ഐയെ നിരോധിച്ച ശേഷം കേരളമടക്കം സംസ്ഥാനങ്ങളില് കര്ശന നടപടി സ്വീകരിച്ചിരുന്നു.ഇതോടെ പിഎഫ്ഐ അനുഭാവം ഉള്ളവര് എസ്ഡിപിഐ പോലുള്ള പാര്ട്ടികളിലേക്ക് കുടിയേറി. ഇവരെ നിരീക്ഷിച്ച് വേണ്ട നടപടി സ്വീകരിക്കുമെന്ന് ഡിജിപി പറഞ്ഞു.
രാജ്യത്ത് മയക്കു മരുന്ന് ഭീകരത നടക്കുന്നുണ്ടെന്ന് ഡിജിപി പറഞ്ഞു. ഇന്ത്യയിലേക്ക് വന്തോതില് വിദേശ രാസലഹരി എത്തുന്നു. പാകിസ്ഥാന്, അഫ്ഗാനിസ്ഥാന് എന്നിവിടങ്ങളില് നിന്നും ഇന്ത്യയിലേക്ക് സിന്തറ്റിക് ലഹരി ഒഴുകന്നു. കേന്ദ്ര ഏജന്സികളുടെ പിന്തുണയോടെ കേരളത്തിലേക്കുള്ള മയക്കു മരുന്ന് കടത്തിനെതിരെ കേരള പൊലീസ് പദ്ധതി തയാറാക്കുമെന്നും റവാഡ ചന്ദ്രശേഖര് പറഞിഞു.വിവിധ വകുപ്പുകളുടെ സംയുക്ത ലഹരി വേട്ട തുടങ്ങും.
പൊലീസ് സ്റ്റേഷനില് എത്തുന്നവരോട് ഉദ്യോഗസ്ഥര് സ്നേഹത്തോടെ പെരുമാറണമെന്നും ഡിജിപി റവാഡ ചന്ദ്രശേഖര് പറഞ്ഞു. പരാതിക്കാരുടെ വിഷമം ഉള്ക്കൊണ്ട് കഴിയുന്ന സഹായം ചെയ്യണം. കേരളത്തില് കുറ്റകൃത്യങ്ങള് പൊതുവില് കുറവാണ്.കുറ്റ കൃത്യങ്ങളുടെ എണ്ണം ഉയരുന്നത് എല്ലാ കുറ്റങ്ങള്ക്കും കേസ് എടുക്കുന്നതിനാലാണ്. സംസ്ഥാനത്ത് തട്ടിപ്പ് കേസുകള് ഏറിവരുന്നുണ്ടെന്നും സംസ്ഥാന പൊലീസ് മേധാവി പറഞ്ഞു.
