ന്യൂദൽഹി : രാജ്യ തലസ്ഥാനമായ ദൽഹിയിലെ 20 ലധികം സ്കൂളുകൾക്ക് ഇന്ന് വീണ്ടും ബോംബ് ഭീഷണി ലഭിച്ചു. ദൽഹിയിലെ പശ്ചിം വിഹാർ പ്രദേശത്തെ ഒരു സ്കൂളിലാണ് ആദ്യ ബോംബ് ഭീഷണി മെയിൽ ലഭിച്ചത്. തുടർന്ന് അഗ്നിശമന സേനയും ദൽഹി പോലീസ് സംഘവും സ്ഥലത്തെത്തി. ഇവിടെ തിരച്ചിൽ പുരോഗമിക്കുകയാണ്.
ഇതിനിടെ ദൽഹിയിലെ രോഹിണി സെക്ടർ 3 ലെ അഭിനവ് പബ്ലിക് സ്കൂളിലും ഭീഷണി മെയിൽ ലഭിച്ചു. വിവരം ലഭിച്ചതിനെത്തുടർന്ന് അഗ്നിശമന സേനയും ബോംബ് സ്ക്വാഡ് സംഘവും സ്ഥലത്തെത്തി. ഈ സ്കൂളിലും തിരച്ചിൽ പുരോഗമിക്കുകയാണ്. രോഹിണിയിലെ സെക്ടർ 24 ലെ സോവറിൻ സ്കൂളിലാണ് മൂന്നാമത്തെ ഭീഷണി മെയിൽ ലഭിച്ചത്.
നേരത്തെ രോഹിണിയിലെ സെക്ടർ 3 ലെ അഭിനവ് പബ്ലിക് സ്കൂളിലും പിന്നീട് പശ്ചിമ വിഹാറിലെ റിച്ച് മോണ്ട് സ്കൂളിലും ഭീഷണി മെയിലുകൾ ലഭിച്ചിരുന്നു. നിലവിൽ വെള്ളിയാഴ്ച ഇതുവരെ 20 ലധികം സ്കൂളുകൾക്ക് ബോംബ് സ്ഫോടനവുമായി ബന്ധപ്പെട്ട് ഭീഷണി മെയിലുകൾ ലഭിച്ചതായി ദൽഹി പോലീസ് അറിയിച്ചു.
ഭീഷണി സന്ദേശങ്ങൾ ലഭിച്ചതിനെ തുടർന്ന് പോലീസ് വകുപ്പിൽ പരിഭ്രാന്തി നിലനിൽക്കുന്നുണ്ട്. ഫയർ ബ്രിഗേഡും ബോംബ് സ്ക്വാഡും സ്ഥലത്തെത്തി അന്വേഷണം നടത്തുന്നുണ്ട്.
ബുധനാഴ്ചയും ദൽഹിയിലെ നിരവധി സ്കൂളുകൾക്ക് ബോംബ് ഭീഷണി ലഭിച്ചിരുന്നു. ഇതിൽ ദൽഹിയിലെ സെന്റ് തോമസ് ഓഫ് ദ്വാരക, വസന്ത് കുഞ്ച് പ്രദേശത്തെ വസന്ത് വാലി സ്കൂൾ എന്നിവയുൾപ്പെടെ നിരവധി സ്കൂളുകൾക്ക് ഇ-മെയിലിൽ ബോംബ് ഭീഷണി ലഭിച്ചു. ചൊവ്വാഴ്ചയും ദൽഹിയിലെ സെന്റ് സ്റ്റീഫൻസ് കോളേജിനും സെന്റ് തോമസ് സ്കൂളിനും നേരെ ബോംബ് ഭീഷണി ഉണ്ടായിരുന്നു.
