ടിവി ഷോകളിൽ മുതൽ സിനിമകളിൽ വരെ അരുൺ ഗോവിൽ പ്രവർത്തിച്ചിട്ടുണ്ട്. എന്നാൽ 33 വർഷം മുമ്പ് 1987-ൽ പുറത്തിറങ്ങിയ രാമാനന്ദ് സാഗറിന്റെ രാമായണമാണ് ഇന്നും ജനമനസിൽ നിറഞ്ഞ് നിൽക്കുന്നത് . ഇന്നും അദ്ദേഹത്തിന്റെ സ്ഥാനം മാറ്റമില്ലാതെ തുടരുന്നു. ശ്രീരാമന്റെ കഥാപാത്രത്തെ വളരെ ലാളിത്യത്തോടെയാണ് താരം പ്രേക്ഷകർക്ക് മുന്നിൽ അവതരിപ്പിച്ചത്.
രാമായണത്തിലെ ശ്രീരാമന്റെ വേഷത്തിനായി അരുൺ ഗോവിൽ ഓഡിഷനെത്തിയപ്പോൾ ആദ്യം നിർമ്മാതാക്കൾ അദ്ദേഹത്തെ നിരസിച്ചിരുന്നു. പുകവലി ശീലമുള്ളയാളാണ് അരുൺ ഗോവിൽ . രാമാനന്ദ് സാഗറിന് അത് ഒട്ടും ഇഷ്ടമല്ല. അത്തരമൊരു വ്യക്തിക്ക് ശ്രീരാമനാകാൻ കഴിയില്ലെന്ന് അദ്ദേഹം വിശ്വസിച്ചു. എങ്കിലും, നിർമ്മാതാവ് സൂരജ് ബർജാത്യയുടെ ഉപദേശപ്രകാരം അരുൺ ഗോവിലിന് ഈ വേഷം നൽകാൻ രാമനന്ദ് സാഗർ തീരുമാനിച്ചു.
രാമനന്ദ് സാഗറിനെ കാണാൻ ചെന്ന അരുൺ ഗോവിലിനോട് പുഞ്ചിരിക്കാനാണ് സൂരജ് ബർജാത്യ ആവശ്യപ്പെട്ടത് .അരുൺ ഗോവിലിന്റെ പുഞ്ചിരി കണ്ടതോടെ രാമനാകാൻ അദ്ദേഹം മതിയെന്ന് രാമാനന്ദ് സാഗർ തീരുമാനിക്കുകയായിരുന്നു . പിന്നാലെ ഇനിയൊരിക്കലും സിഗരറ്റ് തൊടില്ലെന്ന് അരുൺ ഗോവിൽ തന്നെ രാമാനന്ദ് സാഗറിന് ഉറപ്പ് നൽകിയിരുന്നു. ആ പ്രതിജ്ഞ അദ്ദേഹം പാലിക്കുകയും ചെയ്തു.
പ്രതികരിക്കാൻ ഇവിടെ എഴുതുക: