സനാ : യമന് പൗരനെ കൊലപ്പെടുത്തിയ കേസില് ജയിലില് കഴിയുന്ന നിമിഷ പ്രിയയുടെ വധശിക്ഷ ഈ മാസം 16ന് നടപ്പാക്കരുത് എന്നാവശ്യപ്പെട്ട് യുവതിയുടെ അമ്മ പ്രേമകുമാരി യമന് പ്രോസിക്യൂട്ടര്ക്ക് അപേക്ഷ നല്കി.വധശിക്ഷ നടപ്പാക്കുന്നതിന് മൂന്നുദിവസം മാത്രം ബാക്കി നില്ക്കെയാണ് നിമിഷ പ്രിയയുടെ അമ്മയുടെ അപേക്ഷ.
വധശിക്ഷ ഈ മാസം 16ന് നടപ്പാക്കരുത് എന്നും ദയാധനം സംബന്ധിച്ച ചര്ച്ചകള് നടക്കുകയാണെന്നും പ്രേമകുമാരി അപേക്ഷയില് പറയുന്നു.സനയിലെ ജയിലില് എത്തി നിമിഷ പ്രിയയെ കാണാന് ഉള്ള ശ്രമങ്ങളും തുടരുകയാണ് മാതാവ്. ഈ മാസം 16നാണ് നിമിഷ പ്രിയയുടെ വധശിക്ഷ നടപ്പാക്കാന് നിശ്ചയിച്ചിരിക്കുന്നത്.
അതിനിടെ , നിമിഷപ്രിയയുടെ മോചനത്തിനായി അടിയന്തര ഇടപെടല് ആവശ്യപ്പെട്ടുള്ള ഹര്ജി സുപ്രീംകോടതി തിങ്കളാഴ്ച പരിഗണിക്കും. കേസില് ഇതുവരെ സ്വീകരിച്ച നടപടികള് ഉള്പ്പെടുത്തി റിപ്പോര്ട്ട് സമര്പ്പിക്കാന് കോടതി നിര്ദ്ദേശം നല്കിയിരുന്നു. കേസിന്റെ അടിയന്തര സ്വഭാവം കണക്കിലെടുത്ത് അഡ്വക്കേറ്റ് രാജ് ബഹുദൂര് യാദവ് കേന്ദ്രസര്ക്കാറിന് വേണ്ടി വക്കാലത്ത് സമര്പ്പിച്ചു. നിമിഷ പ്രിയയുടെ മോചനം എത്രയും വേഗം സാധ്യമാക്കാനുള്ള വഴികള് തേടുകയാണ് നിമിഷപ്രിയ ആക്ഷന് കൗണ്സില്.
