നവഗ്രഹ ക്ഷേത്ര പ്രതിഷ്ഠ: ശബരിമല നട നാളെ തുറക്കും

പത്തനംതിട്ട: ശബരിമല സന്നിധാനത്ത് പുതുതായി നിര്‍മിച്ച നവഗ്രഹ ക്ഷേത്രത്തിലെ പ്രതിഷ്ഠയ്‌ക്കായി നാളെ വൈകിട്ട് അഞ്ചിന് നട തുറക്കും. 12ന് പതിവു പൂജകള്‍ നടക്കും. 13ന് രാവിലെ 11 നും 12നും മധ്യേയാണ് നവഗ്രഹക്ഷേത്ര പ്രതിഷ്ഠ നടക്കുക. അന്ന് രാത്രി 10ന് നട അടയ്‌ക്കും. കര്‍ക്കടക മാസ പൂജകള്‍ക്കായി 16ന് വീണ്ടും നട തുറക്കും. 21ന് രാത്രി 10ന് നട അടയ്‌ക്കും. നിറപുത്തരിക്കായി 29ന് വൈകിട്ട് 5 ന് വീണ്ടും നട തുറക്കും. 30ന് പുലര്‍ച്ചെ 5.30നും 6.30 നും മധ്യേയാണ് നിറപുത്തരി പൂജ. രാത്രി 10ന് നട അടയ്‌ക്കും. ഒരു മാസം മൂന്നുതവണ ശബരിമല നട തുറക്കുന്ന പ്രത്യേകതകൂടി ഇക്കുറിയുണ്ട്.