കൊല്ലം: വെറ്റിലയ്ക്ക് വിലയില്ലാത്തതിനെ തുടര്ന്ന് ഡീസല് ഒഴിച്ച് കര്ഷകരുടെ പ്രതിഷേധം.കുളക്കട പഞ്ചായത്തിലെ കലയപുരം പൊതു ചന്തയിലാണ് വെറ്റയ്ക്കു വില ലഭിക്കാത്തതിനെ തുടര്ന്ന് കര്ഷകര് വെറ്റകള് കൂട്ടിയിട്ട് ഡീസല് ഒഴിച്ച് പ്രതിഷേധിച്ചത്. 80-120 രൂപ വരെ ഒരു കെട്ടിന് വില ഉള്ളതിന് കലയ പുരം ചന്തയില് വെറും 10 രൂപയ്ക്ക് വാങ്ങാനുള്ള കുത്തക വ്യാപാരി കളുടെ ശ്രമത്തിനെതിരെയാണ് കര്ഷകര് വെറ്റ വില്ക്കാതെ പ്രതിഷേധിച്ചത്.
ബുധനാഴ്ച നടക്കുന്ന പണി മുടക്കിന്റെ പേരില് വ്യാപാരികളില് നിന്നും വെറ്റ 10 രൂപയ്ക്ക് വാങ്ങി മറ്റു വ്യാപാരികള്ക്ക് വലിയ വിലയ്ക്കാണ് വില്ക്കുന്നത്. 7500 കെട്ട് വെറ്റ കളാണ് ചന്തയില് എത്തിച്ചത്. കര്ഷകരൂടെ കഷ്ട്പാടിനെ അപഹസിക്കുന്ന നടപടിയാണ് വ്യാപാരികള് കാട്ടിയതെന്ന് കര്ഷകര് പറഞ്ഞു.കഴിഞ്ഞ ദിവസങ്ങളില് പുത്തൂരില് 80 നും പുനലൂരില് 120 നും വിറ്റ വെറ്റയ്ക്ക് കലയപുരത്ത്10 രൂപയാണ് പറഞ്ഞത്. കലയപുരം പൊതു ചന്തയില് എല്ലാ ചൊവ്വാഴ്ചയും വൈകിട്ട് 4 മണിക്ക് വെറ്റ ചന്ത നടക്കുന്നുണ്ട്. 170 ഓളം കര്ഷകര് ഇടവിട്ട് വെറ്റി ലയുമായി പ്രതി വാര ചന്തയില് എത്തുന്നുണ്ട്. അഞ്ചു ലക്ഷത്തോളം രൂപയുടെ നഷ്ടമാണ് കര്ഷകര്ക്കുണ്ടായത്. കര്ഷകരുടെ ദുരിതം കാണാന് കൃഷി വകുപ്പോ തദ്ദേശ സ്വയം ഭരണ ഉദ്യോഗസ്ഥരോ, ജന പ്രതിനിധികളോ തയാറാവുന്നില്ലെന്നാണ് പരാതി.
പണിമുടക്ക് കര്ഷകര്ക്ക് നല്കിയ സമ്മാനമാണ് ഈ ദുരവസ്ഥയെന്ന് വെറ്റില കര്ഷകന് റെജി പറഞ്ഞു.ദീര്ഘ നാളത്തെ പരിചരണവും അധ്വാനവും കഴിഞ്ഞു വിളവെടുത്ത് ചന്തയില് എത്തിച്ച വെറ്റില യ്ക്ക് മാന്യമായ വില നല്കാതെ കര്ഷകരെ കഷ്ടതയിലാക്കുകയാണ്.
80 വെറ്റില ഉള്ള ഒരു കെട്ടിന് 10 രൂപ യ്ക്ക് എങ്ങനെ കൊടുക്കാനാകും. ഇത് വിറ്റ് കിട്ടുന്ന കാശിനു അരി വാങ്ങി കൊണ്ട് പോകാമെന്നു കരുതിയാണ് ചന്തയില് എത്തിയത്. കടുത്ത മനോ വിഷമം മൂലമാണ് വെറ്റില ഡീസല് ഒഴിച്ച് കത്തിച്ചു പ്രതിഷേധിച്ചതെന്ന് റെജി പറഞ്ഞു.
കര്ഷകരെ പട്ടിണി യിലാക്കുന്ന നടപടിയാണ് വ്യാപാരികളുടേതന്നെ വെറ്റില കര്ഷകനായ പ്രസാദ് പറഞ്ഞു. പണി മുടക്കിന്റെ പേരില് 10 രൂപയ്ക്ക് വെറ്റില വാങ്ങി ഉയര്ന്ന വിലയ്ക്ക് മറി ച്ചു വില്ക്കാനായിരുന്നു നീക്കം . വെറ്റില വിറ്റ് കിട്ടുന്ന പണം കൊണ്ട് വളം വും മറ്റും വാങ്ങാനാവും എന്ന് കരുതിയാണ് വന്നത്.എന്നാല് കര്ഷകരുടെ നട്ടെല്ല് ഓടിക്കുന്ന നടപടിയാണ് ഉണ്ടായതെന്ന് പ്രസാദ് പരിതപിച്ചു.
