തിരുവനന്തപുരം : തൃശൂര് പൂരം അലങ്കോലപ്പെട്ട സംഭവത്തില് കേന്ദ്ര മന്ത്രി സുരേഷ് ഗോപിയുടെ മൊഴി രേഖപ്പെടുത്തി.കേസ് അന്വേഷിക്കുന്ന പ്രത്യേക സംഘത്തിന്റെ തലവന് ഡിഐജി തോംസണ് ജോസിന്റെ നേതൃത്വത്തിലുള്ള സംഘമാണ് തിരുവനന്തപുരത്ത് വച്ച് സുരേഷ് ഗോപിയുടെ മൊഴിയെടുത്തത്.
പൂരം അലങ്കോലപ്പെട്ടെന്ന വിവരം ബിജെപി പ്രവര്ത്തകര് അറിയിച്ചത് പ്രകാരമാണ് സ്ഥലത്തെത്തിയതെന്നാണ് സുരേഷ് ഗോപിയുടെ മൊഴി. സംഘം ഈ മാസം എഡിജിപിക്ക് അന്വേഷണ റിപ്പോര്ട്ട് കൈമാറും.
മന്ത്രിയുടെ മൊഴി പരിശോധിച്ച ശേഷം ആവശ്യമെങ്കില് വീണ്ടും കേന്ദ്രമന്ത്രിയുടെ മൊഴി രേഖപ്പെടുത്തുമെന്ന് അന്വേഷണ സംഘം അറിയിച്ചു.
സര്ക്കാര് പ്രഖ്യാപിച്ച ത്രിതല അന്വേഷണത്തിലൊന്നാണ് ക്രൈം ബ്രാഞ്ച് മേധാവിക്ക് കീഴിലുള്ള പ്രത്യേക സംഘത്തിന്റെ ഗൂഢാലോചനയിലെ അന്വേഷണം. പൂരം അലങ്കോലപ്പെട്ടതില് എഡിജിപി അജിത്കുമാറിന് വീഴ്ചയുണ്ടായെന്നായിരുന്നു ഡിജിപിയുടെ റിപ്പോര്ട്ട്.
