മലപ്പുറം: പാലക്കാട്, മലപ്പുറം ജില്ലകളിലെ നിപ രോഗികളുടെ റൂട്ട് മാപ്പ് പുറത്തിറക്കി. പൊലീസിന്റെ സഹായത്തോടെ മൊബൈല് ടവര് ലൊക്കേഷന് കൂടി ശേഖരിക്കുന്നതില് പുതിയ വിവരങ്ങള് ഉണ്ടെങ്കില് അതും കൂടി ചേര്ക്കുന്നതാണെന്ന് ആരോഗ്യമന്ത്രി അറിയിച്ചു. മാപ്പില് പറഞ്ഞിരിക്കുന്ന സ്ഥലങ്ങളില് ആ സമയത്ത് ഉണ്ടായിരുന്നവര് മലപ്പുറം 0483 2735010, 2735020, പാലക്കാട് 0491 2504002 നമ്പരുകളില് വിളിക്കണം.
നിപ സമ്പര്ക്കപ്പട്ടികയില് ആകെ 345 പേര് ഉള്ളതായാണ് ആരോഗ്യ വകുപ്പ് അറിയിച്ചത്.മലപ്പുറത്ത് 211 പേരുളളപ്പോള് പാലക്കാട് 91 പേരും കോഴിക്കോട് 43 പേരുമാണ് സമ്പര്ക്കപ്പട്ടികയിലുള്ളത്. കോഴിക്കോട് ജില്ലയിലെ സമ്പര്ക്ക പട്ടികയില് എല്ലാവരും ആരോഗ്യ പ്രവര്ത്തകരാണ്. പാലക്കാട്, മലപ്പുറം ജില്ലയിലുള്ളവര്ക്കാണ് നിപ സംശയിച്ചത്. മലപ്പുറം, കോഴിക്കോട് മെഡിക്കല് കോളേജുകളില് നടത്തിയ പരിശോധനയില് നിപ കണ്ടെത്തിയതിനെ തുടര്ന്ന് പൂനെ വൈറോളജി ഇന്സ്റ്റിറ്റ്യൂട്ടില് നിപ സ്ഥിരീകരണത്തിനായി അയച്ച സാമ്പിളുകളില് പാലക്കാട് ചികിത്സയിലുള്ളയാള് പോസിറ്റീവായി.
പാലക്കാട്ടെ രോഗിയുടെ റൂട്ട് മാപ്പ് പ്രസിദ്ധീകരിച്ചു. സ്ഥിരീകരണം വരും മുമ്പ് തന്നെ പ്രോട്ടോകോള് പ്രകാരം പ്രതിരോധ നടപടികള് ശക്തമാക്കിയിരുന്നു. രണ്ട് നിപ കേസുകളുമായി ബന്ധപ്പെട്ട് കോഴിക്കോട്, മലപ്പുറം, പാലക്കാട് ജില്ലകളില് ജാഗ്രതാ നിര്ദേശം നല്കി.
