മലപ്പുറം : ചേലക്കര ഉപതിരഞ്ഞെടുപ്പില് പി വി അന്വറിന്റെ സ്ഥാനാര്ത്ഥിയായി മത്സരിച്ച തൃണമൂല് കോണ്ഗ്രസ് തൃശൂര് ജില്ലാ ചീഫ് കോര്ഡിനേറ്റര് എന്.കെ സുധീറിനെ പാര്ട്ടിയില് നിന്ന് പുറത്താക്കി.പാര്ട്ടി വിരുദ്ധ പ്രവര്ത്തനത്തെ തുടര്ന്നാണ് നടപടിയെന്ന് സംസ്ഥാന കോ-ഓര്ഡിനേറ്റര് പിവി അന്വര് വ്യക്തമാക്കി.
സുധീര് ബിജെപിയുമായി ചര്ച്ച നടത്തി ബിജെപിയിലേക്ക് ചേക്കേറാന് ശ്രമിക്കുന്നെന്ന വിവരത്തിന്റെ അടിസ്ഥാനത്തിലാണ് നടപടി എന്നാണ് വിവരം. ബിജെപിയില് ചേരുന്ന കാര്യം അന്വറിനെ വിളിച്ച് അറിയിച്ചിട്ടുണ്ടെന്നാണ് സുധീറുമായി അടുത്ത വൃത്തങ്ങള് അറിയിച്ചത്. ഈ മാസം തന്നെ തിരുവനന്തപുരത്ത് വച്ച് ബിജെപിയില് അംഗത്വമെടുക്കും.
മൂന്ന് വര്ഷ കാലയളവിലേക്ക് തൃണമൂല് കോണ്ഗ്രസില് നിന്നും പുറത്താക്കിയതായി അന്വറിന്റെ ഫേസ്ബുക്ക് പോസ്റ്റില് പറയുന്നു.
എഐസിസി അംഗവും ദലിത് കോണ്ഗ്രസ് മുന് നേതാവുമാണ് എന് കെ സുധീര്. കോണ്ഗ്രസ് വിട്ട് അന്വറിനൊപ്പം വരുന്നത് പാലക്കാട് ഉപതെരഞ്ഞെടുപ്പ് മുതലാണ്.
ജന്മഭൂമി ഓണ്ലൈന്