കൊച്ചി: രാഷ്ട്രീയപ്രേരിതമായി ചില തൊഴിലാളി സംഘടനകള് ജൂലൈ 9ന് നടത്തുന്ന പണിമുടക്ക് ആഹ്വാനം തള്ളിക്കളയണമെന്ന് ബിഎംഎസ് ദേശീയ നിര്വാഹക സമിതി അംഗം ഉണ്ണികൃഷ്ണന് ഉണ്ണിത്താന്. എറണാകുളം ബിഎംഎസ് തൊഴിലാളി പഠന ഗവേഷണ കേന്ദ്രത്തില് നടന്ന ഫെഡറേഷന് ഓഫ് എംപ്ലോയീസ് ആന്ഡ് ടീച്ചേഴ്സ് ഓര്ഗനൈസേഷന്സ് (ഫെറ്റോ) സംസ്ഥാന കണ്വെന്ഷന് ഉദ്ഘാടനം ചെയ്യുകയായിരുന്നു അദ്ദേഹം.
ഭരണ പരാജയം മറയ്ക്കാന് വേണ്ടി സര്ക്കാര് ആസൂത്രണം ചെയ്ത് ഉയര്ത്തിക്കൊണ്ടുവരുന്ന വിവാദമാണ് ഭാരതാംബയെക്കുറിച്ചുള്ള ആക്ഷേപമെന്നും അദ്ദേഹം പറഞ്ഞു.
അടിയന്തരാവസ്ഥയുടെ അമ്പതാം വാര്ഷികവേളയില് സമരത്തെ ഒറ്റുകൊടുത്തവരെ കേരള ജനത തിരിച്ചറിയണം. സമസ്ത മേഖലയിലും പരാജയപ്പെട്ട സര്ക്കാരിന് കീഴില് കേരളത്തിലെ സര്ക്കാര് ഉദ്യോഗസ്ഥരും അദ്ധ്യാപകരും പെന്ഷന്കാരുമുള്പ്പെടെ ദുരിതമനുഭവിക്കുകയാണ്. കേന്ദ്രസര്ക്കാര് എട്ടാം ശമ്പള പരിഷ്കരണ നടപടികള് പൂര്ത്തീകരിച്ച് 2026 ജനുവരിയോടെ പ്രാവര്ത്തികമാക്കുമ്പോള് കേരളത്തില് ഇതുവരെ ശമ്പള കമ്മിഷനെ പോലും നിശ്ചയിച്ചിട്ടില്ല. 45 മാസത്തിലധികമുള്ള കുടിശ്ശിക ഇന്നും ഒരു മരീചികയായി തുടരുന്നുവെന്നും അദ്ദേഹം പറഞ്ഞു.
യോഗത്തില് സംസ്ഥാന അധ്യക്ഷന് എസ്.കെ. ജയകുമാര് അധ്യക്ഷത വഹിച്ചു. സംസ്ഥാന ജനറല് സെക്രട്ടറി പി.എസ്. ഗോപകുമാര്, സംസ്ഥാന ട്രഷറര് സി.കെ. ജയപ്രസാദ്, എന്ടിയു സംസ്ഥാന പ്രസിഡന്റ് സ്മിത ടീച്ചര്, ജനറല് സെക്രട്ടറി ടി. അനൂപ്കുമാര്, എന്ജിഒ സംഘ് സംസ്ഥാന ജനറല് സെക്രട്ടറി ആര്. രാജേഷ് എന്നിവര് സംസാരിച്ചു.
സര്വീസില് നിന്നും വിരമിക്കുന്നവര്ക്ക് യാത്രയയപ്പും നല്കി. യാത്രയയപ്പ് യോഗത്തില് ഫെറ്റോ വൈസ് പ്രസിഡന്റ് അനിത രവീന്ദ്രന് അധ്യക്ഷത വഹിച്ചു. പെന്ഷനേഴ്സ് സംഘ് സംസ്ഥാന അധ്യക്ഷന് ബി. ജയപ്രകാശ് ഉദ്ഘാടനം ചെയ്തു. പിഎസ്സി എംപ്ലോയീസ് സംഘ് സംസ്ഥാന അധ്യക്ഷന് പ്രദീപ്കുമാര്, ഫോറസ്റ്റ് എംപ്ലോയീസ് സംഘ് സംസ്ഥാന അധ്യക്ഷന് ബി.എസ്. ഭദ്രകുമാര് എന്നിവര് സംസാരിച്ചു.
സമാപന സമ്മേളനം ബിഎംഎസ് സംസ്ഥാന അധ്യക്ഷന് ശിവജി സുദര്ശന് ഉദ്ഘാടനം ചെയ്തു. സമ്മേളനത്തില് ഫെറ്റോ സംസ്ഥാന ഭാരവാഹികളായി എ.ജെ. ശ്രീനി (അധ്യക്ഷന്), ജെ. മഹാദേവന് (ജനറല് സെക്രട്ടറി), സി.കെ. ജയപ്രസാദ് (ട്രഷറര്), കെ.എം രാജീവ്, സുരേഷ്കുമാര്, പി.വി. മനോജ് കുമാര്, ബി.എസ്. ഭദ്രകുമാര്, ടി.ഐ. അജയകുമാര് (വൈസ് പ്രസിഡന്റുമാര്), മനു ശര്മ, പ്രദീപ് പുള്ളിത്തല, സജീവ് തങ്കപ്പന്, പാറങ്കോട് ബിജു (സെകട്ടറിമാര്) എന്നിവരെ തെരഞ്ഞെടുത്തു.
