പത്തനംതിട്ട: ‘ഒരു ഉപതെരഞ്ഞെടുപ്പില്‍ വലതു മുന്നണി ജയിച്ചതേ ഉള്ളു. അപ്പോഴേക്കും കേരളത്തിലെ സര്‍വ്വ മത വിഷജീവികളും മാളംവിട്ട് പുറത്തുവന്ന് തിമിര്‍ത്താടുകയാണ്. ശ്രദ്ധിച്ചാല്‍ കേരളത്തിന് കൊള്ളാം ‘എന്ന് ഫേസ് ബുക്ക് പോസ്റ്റില്‍ ആടുജീവിതത്തിന്‌റെ എഴുത്തുകാരന്‍ ബന്യാമിന്‌റെ പ്രതികരണം. സൂംബാ ഡാന്‍സില്‍ അടക്കം മുസ്‌ളീം സംഘടനകള്‍ എതിര്‍പ്പുയര്‍ത്തിയതാവാം ബന്യാമിന്‌റെ പ്രതികരണത്തിനു പിന്നിലെന്നു കരുതുന്നു. അറിയപ്പെട്ടു തുടങ്ങിയ കാലംമുതല്‍ ഇടതു സഹയാത്രികനായ ബന്യാമിന്‌റെ പ്രതികരണത്തെ വിമര്‍ശിച്ച് ഒട്ടേറെ പേര്‍ ഫേസ് ബുക്കില്‍ അഭിപ്രായം രേഖപ്പെടുത്തിയിട്ടുണ്ട്. ‘ങ്ങക്ക് ഏതേലും അവാര്‍ഡ് വേണേല്‍ അത് പറ. നമ്മക്ക് ശരിയാക്കാം. ഇതിപ്പോ നജീബിനെക്കാള്‍ വലിയ അടിമ ജീവിതമാണല്ലോ ‘എന്നാണ് ഒരു കമന്‌റ്. ‘കേരളം ഭരിക്കുന്നത് ഇടതു പക്ഷത്തെ പിണറായി വിജയനാണെന്ന് മറന്നു പോയോ’ എന്നാണ് മറ്റൊരാള്‍ ആരായുന്നത്.
പ്രതികരിക്കാൻ ഇവിടെ എഴുതുക: