ഭോപ്പാല്: 70 വയസ്സിനു മുകളിലുള്ള എല്ലാ ജനാധിപത്യ സമര സേനാനികള്ക്കും ആയുഷ്മാന് കാര്ഡ് വഴി സൗജന്യ വൈദ്യചികിത്സയും ആവശ്യമെങ്കില് പ്രധാനമന്ത്രിയുടെ എയര് ആംബുലന്സ് സേവനവും നല്കുമെന്ന് മധ്യപ്രദേശ് മുഖ്യമന്ത്രി ഡോ. മോഹന് യാദവ് പ്രഖ്യാപിച്ചു. ഭോപ്പാലിലെ മുഖ്യമന്ത്രി ഭവനില് നടന്ന സംസ്ഥാനതല സമ്മേളനത്തെയും ജനാധിപത്യ പോരാളികളുടെ അനുമോദന ചടങ്ങിനെയും അഭിസംബോധന ചെയ്യുകയായിരുന്നു മുഖ്യമന്ത്രി.
1975 ജൂണ് 25 ന് രാജ്യത്ത് ഏര്പ്പെടുത്തിയ അടിയന്തരാവസ്ഥ ജനാധിപത്യത്തിലെ ഏറ്റവും ഇരുണ്ട കാലഘട്ടമാണെന്ന് ഡോ. യാദവ് പറഞ്ഞു. ജനാധിപത്യത്തെ ശക്തിപ്പെടുത്തുന്നതിന് ജനാധിപത്യ പോരാളികള് നല്കിയ വിലമതിക്കാനാവാത്ത സംഭാവനകളെ അദ്ദേഹം അഭിനന്ദിച്ചു. നമ്മുടെ ഇന്നത്തെ ജനാധിപത്യ സംവിധാനം അവരുടെ നിരന്തരമായ പോരാട്ടത്തിന്റെയും ത്യാഗങ്ങളുടെയും ഫലമാണ്. ‘ഇന്ന്, നമ്മള് ശക്തവും ഉത്തരവാദിത്തമുള്ളതുമായ ഒരു ജനാധിപത്യ സംവിധാനത്തിലാണ് ജീവിക്കുന്നത്, അതിന്റെ കാതല് ജനാധിപത്യ പോരാളികളാണ്,’ അദ്ദേഹം പറഞ്ഞു.
