തിരുവനന്തപുരം : ഭാരതാംബ ചിത്രവുമായി ബന്ധപ്പെട്ട് കേരള സര്‍വകലാശാലയില്‍ ഉണ്ടായ സംഘര്‍ഷത്തില്‍ വൈസ് ചാന്‍സലര്‍ക്ക് റിപ്പോര്‍ട്ട് നല്‍കി രജിസ്ട്രാര്‍.നിയമവിരുദ്ധമായി ഒന്നും ചെയ്തിട്ടില്ല എന്ന് ചൂണ്ടിക്കാട്ടിയുളള റിപ്പോര്‍ട്ടില്‍ രജിസ്ട്രാറുടെ ചുമതല നിര്‍വഹിക്കുക മാത്രമാണ് ചെയ്തതെന്നും പറയുന്നു.സംഘാടകര്‍ നിബന്ധന ലംഘിച്ചു എന്ന് പിആര്‍ഒയും സെക്യൂരിറ്റി ഓഫീസറും റിപ്പോര്‍ട്ട് നല്‍കിയിരുന്നു. ക്രമസമാധാന പ്രശ്‌നമുണ്ടെന്ന് പൊലീസ് ഓഫീസിലെത്തി അറിയിക്കുകയും ചെയ്തു. ഇതോടെയാണ് വിഷയത്തില്‍ ഇടപെട്ടതും പരിപാടി റദ്ദാക്കിയതെന്നും രജിസ്ട്രാറുടെ റിപ്പോര്‍ട്ടില്‍ പറയുന്നു.
ഗവര്‍ണറോട് അപമര്യാദയായി പെരുമാറിയിട്ടില്ലെന്ന് സര്‍വകലാശാല രജിസ്ട്രാര്‍ ചൂണ്ടിക്കാട്ടുന്നു.ഗവര്‍ണര്‍ എത്തുമെന്ന് അറിയിച്ച ശേഷം പരിപാടി തടഞ്ഞിട്ടില്ല. പൊലീസില്‍ പരാതി നല്‍കിയത് രജിസ്ട്രാര്‍ എന്ന നിലയ്‌ക്കാണ് എന്നും റിപ്പോര്‍ട്ടില്‍ പറയുന്നു. വിസി സ്വന്തം കുറിപ്പ് കൂടി ചേര്‍ത്ത് റിപ്പോര്‍ട്ട് ഗവര്‍ണര്‍ക്ക് കൈമാറും.
പ്രതികരിക്കാൻ ഇവിടെ എഴുതുക