ന്യൂദല്‍ഹി: പ്രധാനമന്ത്രി മോദിയുമായി ബഹിരാകാശത്ത് നിന്നും സംസാരിച്ച് ഇന്ത്യയുടെ ബഹിരാകാശ യാത്രികന്‍ ശുഭാംശു ശുക്ല. ഇപ്പോള്‍ ബഹിരാകാശത്തെ ഇന്‍റര്‍നാഷണല്‍ സ്പേസ് സ്റ്റേഷനില്‍ (ഐഎസ്എസ്) താമസിക്കുകയാണ് ശുഭാംശു ശുക്ല. യുഎസിലെ ആക്സിയോം 4 ദൗത്യത്തിന്റെ ഭാഗമായാണ് ശുഭാംശു ശുക്ല ബഹിരാകാശത്തേക്ക് പോയത്.
മോദി വീഡിയോയിലൂടെയാണ് ശുഭാംശു ശുക്ലയുമായി സംസാരിച്ചത്. “താങ്കള്‍ ഇന്ത്യയില്‍ നിന്നും ദൂരെയാണെങ്കില്‍ ഇന്ത്യക്കാരുടെ ഹൃദയത്തിലാണുള്ളത്. ഒരു പുതിയ യുഗത്തിന് തുടക്കം കുറിച്ചിരിക്കുകയാണ് താങ്കളുടെ യാത്ര”. – ശുഭാംശു ശുക്ലയോട് മോദി പറഞ്ഞു.
“ഇത് എന്റെ യാത്രമാത്രമല്ല, എന്റെ രാജ്യത്തിന്റെ യാത്ര കൂടിയാണ്. ഇന്ത്യയെ പ്രതിനിധീകരിക്കാന്‍ കഴിഞ്ഞതില്‍ അഭിമാനമുണ്ട്.”- ശുഭാംശു ശുക്ല മോദിയോട് മറുപടിയായി പറഞ്ഞു. 1984ല്‍ റഷ്യയുടെ സോയുസ് ദൗത്യത്തില്‍ ബഹിരാകാശത്തേക്ക് പോയ രാകേഷ് ശര്‍മ്മയ്‌ക്ക് ശേഷം ഇതാദ്യമായാണ് ഒരു ഇന്ത്യക്കാരന്‍ ബഹിരാകാശത്തേക്ക് പോകുന്നത്. അതും 41 വര്‍ഷങ്ങള്‍ക്ക് ശേഷം.
പ്രതികരിക്കാൻ ഇവിടെ എഴുതുക