പാലക്കാട്: ശ്രീകൃഷ്ണപുരം സെന്റ് ഡൊമിനിക് കോണ്‍വെന്റ് സ്‌കൂളിലെ ഒമ്പതാം ക്ലാസ് വിദ്യാര്‍ത്ഥിനിയായിരുന്ന ആശിര്‍നന്ദ ആത്മഹത്യ ചെയ്ത സംഭവത്തില്‍ ബാലാവകാശ കമ്മീഷന്‍ സ്വമേധയാ കേസെടുത്തു. കമ്മീഷന്‍ ചെയര്‍മാന്‍ കെ വി മനോജ് കുമാര്‍ തച്ചനാട്ടുകരയിലെ വീട്ടിലെത്തി വിവരങ്ങള്‍ തേടി. സെന്റ് ഡൊമിനിക് കോണ്‍വെന്റ് സ്‌കൂളിലും കമ്മീഷന്‍ പരിശോധന നടത്തി. നിരവധി സിബിഎസ്ഇ സ്‌കൂളുകളില്‍ സമാനമായ ചൂഷണം നടക്കുന്നുണ്ടെന്ന് മനോജ് കുമാര്‍ പറഞ്ഞു. അതേ സമയം പൊലീസിന്റെ അന്വേഷണവും പുരോഗമിക്കുകയാണ്. ആത്മഹത്യ കുറിപ്പിലെ കൈയക്ഷരം പോലീസ് പരിശോധിക്കും. മാതാപിതാക്കളുടെയും അധ്യാപകരുടെയും സഹപാഠികളുടെ മൊഴിയും രേഖപ്പെടുത്തും.
പ്രതികരിക്കാൻ ഇവിടെ എഴുതുക