അഹമ്മദാബാദ്: ജെയിംസ് ഹാഡ്ലി ചേസിന്റെ കഥാപാത്രങ്ങളെ മലയാളികള്ക്ക് പരിചയപ്പെടുത്തിയ കെ.കെ.ഭാസ്കരന് പയ്യന്നൂര് (81) അന്തരിച്ചു. നാഷണല് ഇന്സ്റ്റിറ്റ്യൂട്ട് ഓഫ് ഡിസൈനില് അഡ്മിനിസ്ട്രേറ്റീവ് ഓഫീസറായിരുന്നു.
ചേയ്സിന്റെ 102 പുസ്തകങ്ങള് അദ്ദേഹം മലയാളത്തിലേക്ക് മൊഴിമാറ്റം നടത്തിയിട്ടുണ്ട്. ചേയ്സിന്റെ ഏക വിവര്ത്തകനായ കെ.കെ. ഭാസ്ക്കരന് 60 വര്ഷമായി അഹമ്മദബാദിലായിരുന്നു താമസം. സ്വാതന്ത്ര്യസമര സേനാനി എ.വി.ശ്രീകണ്ഠപൊതുവാളാണ് അച്ഛന്. കെ.പി.ദേവിയാണ് അമ്മ.
ഗുജറാത്ത് മലയാളികളുടെ എല്ലാ സാംസ്കാരികപ്രവര്ത്തനങ്ങളിലും സജീവസാന്നിധ്യം കൂടിയായിരുന്നു ഭാസ്കരന്. കേരളവാര്ത്ത എന്ന പ്രസിദ്ധീകരണം അഹമ്മദാബാദില്നിന്ന് 1999-ല് ആരംഭിച്ചു.
കൈതപ്രം കാമ്പ്രത്ത് നളിനി പൊതുവാള് ആണ് ഭാര്യ. മക്കള്: ഗീത, രാജീവ്. മരുമകള്: നിഷിത. സംസ്കാരം നടത്തി.
