ന്യൂദല്‍ഹി: ഇതുവരെ എല്ലാവരും ചരിത്രപുസ്തകത്തില്‍ പഠിച്ചതും കേട്ടുപഴകിയതും 1965ല്‍ ഇന്തോ-പാക് യുദ്ധമുണ്ടായി എന്നാണ്. എന്നാല്‍ 1965ലെ ഇന്തോ-പാക് യുദ്ധത്തെ രണ്ടാം കശ്മീര്‍ യുദ്ധം എന്ന് വിശേഷിപ്പിച്ചിരിക്കുകയാണ് വിക്കിപീഡിയ.
വിവാദമായ വിക്കിപീഡിയ പേജ് കാണുക:
1965ലെ ഇന്തോ-പാക് യുദ്ധത്തിന് കശ്മീര്‍ യുദ്ധം എന്ന് പേര് നല്‍കുക വഴി അന്താരാഷ്‌ട്ര തലത്തില്‍ തന്നെ കശ്മീര്‍ എന്നത് ഇന്ത്യയും പാകിസ്ഥാനും ഇടയില്‍ പണ്ടുമുതലേ ഉള്ള ഒരു തര്‍ക്ക വിഷയമാണെന്ന് വരുത്തിതീര്‍ക്കുകയാണ് വിക്കിപീഡിയയുടെ ലക്ഷ്യം. നേരത്തെയും ഉള്ളടക്കങ്ങളില്‍ ഹിന്ദുവിരുദ്ധതയും ഇന്ത്യാവിരുദ്ധതയും ബോധപൂര്‍വ്വം നിറയ്‌ക്കുന്ന പ്രവണത വിക്കിപീഡിയ പ്രകടിപ്പിച്ചിട്ടുണ്ട്.
ഈ യുദ്ധത്തിന് കാരണമായത് പാകിസ്ഥാന്റെ പാളിപ്പോയ ജിബ്രാള്‍ട്ടര്‍ ദൗത്യം (ഓപ്പറേഷന്‍ ജിബ്രാള്‍ട്ടര്‍) ആണെന്ന് വിക്കിപീഡിയ പറയുന്നു. ഇന്ത്യന്‍ ഭരണത്തിനെതിരെ കലാപമുണ്ടാക്കാന്‍ ജമ്മു കശ്മീര്‍ വഴി തീവ്രവാദികളെ രഹസ്യമായി കടത്തുകയായിരുന്നു പാകിസ്ഥാന്റെ ഈ പദ്ധതി. അന്ന് ഇന്ത്യ ഇതിനോട് പ്രതികരിച്ചു. അത് യുദ്ധമായി അന്നത്തെ ഇന്തോപാക് യുദ്ധം 17 ദിവസത്തോളം നീണ്ടുനിന്നു. ഇന്ത്യയാണ് അന്നും കരയുദ്ധത്തില്‍ മുന്‍പിട്ടുനിന്നതെങ്കിലും റഷ്യയും അമേരിക്കയും ഇടപെട്ട് യുദ്ധം അവസാനിപ്പിക്കുകയായിരുന്നു.
പ്രതികരിക്കാൻ ഇവിടെ എഴുതുക: