കൊച്ചി : രാജ്യത്ത് നടന്ന പഹൽഗാം ഭീകരാക്രമണത്തിന് സൈന്യവും പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള സർക്കാരും ഉചിതമായ പ്രതികരണമാണ് നൽകിയതെന്ന് നടൻ മോഹൻലാൽ . വിശ്വശാന്തി ഫൗണ്ടേഷന്റെ നേതൃത്വത്തിൽ നടന്ന പ്രത്യേക പരിപാടിയിൽ സംസാരിക്കുകയായിരുന്നു അദ്ദേഹം .
ഓപ്പറേഷൻ സിന്ദൂർ അതീവ കൃത്യതയാർന്ന സൈനിക നടപടിയായിരുന്നു. ശുത്രുരാജ്യത്തിനെതിരെ തിരിച്ചടി ഉചിതമായ തിരിച്ചടിയാണ് സൈന്യം നൽകിയതെന്നും അദ്ദേഹം പറഞ്ഞു.
“ ശത്രുരാജ്യത്തിന്റെ ആസൂത്രണത്തിൽ നടന്ന ഈ ഹീനകൃത്യത്തിന് നമ്മുടെ രാഷ്‌ട്രമായ ഭാരതം ഓപ്പറേഷൻ സിന്ദൂർ എന്ന അതീവ കൃത്യതയാർന്ന സൈനിക നടപടിയിലൂടെ തിരിച്ചടിച്ചുകൊണ്ട് തക്കതായ മറുപടി നൽകി. രാഷ്‌ട്രത്തിന്റെ സൈന്യവും പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള സർക്കാരും ഉചിതമായ പ്രതികരണമാണ് നൽകിയത് . ഈ രാഷ്‌ട്രത്തിന്റെ അഭിമാനം ഉയർത്തിപ്പിടിച്ച് സഞ്ചരിച്ച ധീരന്മാരും ധീരകളുമായ എന്റെ സഹോദരങ്ങൾക്ക് എന്റെയും വിശ്വശാന്തി ഫൗണ്ടേഷന്റെയും സല്യൂട്ട് .“ എന്ന് പറഞ്ഞ മോഹൻലാൽ ഭാരത് മാതാ കീ ജയ് വിളിച്ചാണ് തന്റെ പ്രസംഗം അവസാനിപ്പിച്ചത്.
പ്രതികരിക്കാൻ ഇവിടെ എഴുതുക: