ന്യൂദല്‍ഹി : ന്യൂയോര്‍ക്ക് മേയറായി മത്സരിക്കുന്ന സൊഹ്റാന്‍ മംദാനിയെ ഇന്ത്യയിലെ മുസ്ലിം സംഘടനകളും സമൂഹമാധ്യമങ്ങളില്‍ ഇടത് പക്ഷസംഘങ്ങളും വാഴ്‌ത്തിപ്പാടുമ്പോള്‍ വിമര്‍ശനവുമായി നടി കങ്കണ റണാവത്ത് എംപി രംഗത്ത്. പണ്ട് ന്യൂയോര്‍ക്കിലെ ടൈം സ്ക്വയറില്‍ സൊഹ്റാന്‍ മംദാനി ഹിന്ദുക്കള്‍ക്ക് എതിരെ പണ്ട് നടത്തിയ അധിക്ഷേപത്തിന്റെ ഒരു ട്വിറ്റര്‍ പോസ്റ്റ് തപ്പിയെടുത്താണ് കങ്കണ സൊഹ്റാന്‍ മംദാനിയ്ക്കെതിരെ രംഗത്തെത്തിയത്.
അന്ന് ടൈം സ്ക്വയറില്‍ പ്രകടനമായി എത്തി ഹിന്ദുക്കളെ ബസ്റ്റാഡുകള്‍ (തെമ്മാടികള്‍) എന്ന് സൊഹ്റാന്‍ മംദാനി അധിക്ഷേപിച്ചിരുന്നു. ഹിന്ദുക്കള്‍ ആരാധിക്കുന്ന ശ്രീരാമദേവനെയും സൊഹ്റാന്‍ അന്ന് അധിക്ഷേപിച്ചിരുന്നു.
“പത്മശ്രീ പുരസ്കാരം കൂടി നേടിയ പ്രമുഖ സംവിധായക മീരാനായരുടെ മകനാണ് സൊഹ്റാന്‍ മംദാനി. മുസ്ലിമായ മെഹ്മൂദ് മംദാനിയെയാണ് മീരാ നായര്‍ വിവാഹം ചെയ്തത്. ഗുജറാത്തിലെ മുസ്ലിമായ മെഹ്മൂദ് മംദാനി എഴുത്തുകാരനാണ്. പക്ഷെ സൊഹ്റാന്‍ മംദാനി എന്ന പേര് ഇന്ത്യക്കാരന്‍ എന്നതിനേക്കാള്‍ പാകിസ്ഥാനിയെപ്പോലെ തോന്നിക്കുന്നു.”- കങ്കണ റണാവത്ത് പറയുന്നു.
“സൊഹ്റാന്‍ മംദാനിയുടെ ഹിന്ദു രക്തത്തിന് എന്താണ് സംഭവിച്ചതെന്നറിയില്ല. പക്ഷെ ഇപ്പോള്‍ അയാള്‍ ഹിന്ദുത്വത്തെ തുടച്ച് നീക്കാന്‍ തയ്യാറെടുത്ത് നില്‍ക്കുകയാണ്. ഈ കഥ തന്നെയാണ് എല്ലായിടത്തും നടക്കുന്നത്.”- കങ്കണ പറയുന്നു.
ആരാണ് സൊഹ്റാന്‍ മംദാനി?
സിനിമാ സംവിധായിക മീരാനായരുടെ മകനായ 33കാരനായ സൊഹ്റാന്‍ മംദാനി യുഎസില്‍ ഡമോക്രാറ്റിക് പാര്‍ട്ടി പ്രവര്‍ത്തകനാണ്. ഇപ്പോള്‍ ന്യൂയോര്‍ക്ക് മേയര്‍ സ്ഥാനാര്‍ത്ഥിയായി മത്സരിക്കുകയാണ് സൊഹ്റാന്‍ മംദാനി. റിപ്പബ്ലിക് പാര്‍ട്ടി അധികാരത്തില്‍ ഇരിക്കുന്നതിനാല്‍, ട്രംപുള്‍പ്പെടെ സൊഹ്റാന്റെ ഡമോക്രാറ്റിക് സ്ഥാനാര്‍ത്ഥിത്വം ഉറ്റുനോക്കുന്നു. മേയര്‍ സ്ഥാനാര്‍ത്ഥി മത്സരവുമായി ബന്ധപ്പെട്ട് സൊഹ്റാന്‍ കഴിഞ്ഞ ദിവസം പ്രാഥമിക വിജയം നേടിയിരുന്നു. ഇത് ട്രംപിനെ ഉള്‍പ്പെടെ അസ്വസ്ഥനാക്കിയിരിക്കുകയാണ്. അതേ സമയം ഇന്ത്യയില്‍ ഇടത് പ്രവര്‍ത്തകരും എന്‍ജിഒകളും മുസ്ലിം സംഘടനകളും സൊഹ്റാന്‍ മംദാനിയെ വാഴ്‌ത്തിപ്പാടുകയാണ്.
പ്രതികരിക്കാൻ ഇവിടെ എഴുതുക: