വികാരാബാദ് ; പശുവിന്റെ മുറിച്ചെടുത്ത തലയുമായി സ്കൂളിലെത്തിയ അധ്യാപികയ്‌ക്ക് സസ്പെൻഷൻ . തെലങ്കാനയിലെ വികാരാബാദ് ജില്ലയിലെ സർക്കാർ സ്കൂളിലാണ് സംഭവം. ഖാസിം ബിയെയാണ് ജില്ലാ ഭരണകൂടം സസ്‌പെൻഡ് ചെയ്തത്.
തണ്ടൂർ മണ്ഡലത്തിന് കീഴിലുള്ള യാലാൽ മണ്ഡലിലെ ZPHS ഗേൾസ് ഹൈസ്കൂളിലെ സയൻസ് അധ്യാപികയാണ് ഖാസിം ബി . വിദ്യാർത്ഥികൾക്ക് തലച്ചോറിനെക്കുറിച്ച് പഠിപ്പിക്കാനാണ് താൻ പശുവിന്റെ തലയുമായി എത്തിയതെന്നാണ് അധ്യാപിക പറഞ്ഞത് . ഒപ്പം ചില പെൺകുട്ടികൾക്കൊപ്പം പശുവിന്റെ തലയും വച്ച് ഫോട്ടോ എടുക്കുകയും ചെയ്തു. ചില വിദ്യാർത്ഥികൾ അതിനെ എതിർത്തെങ്കിലും ഖാസിം ബി അവരുടെ എതിർപ്പ് അവഗണിച്ചു.
വിദ്യാർത്ഥികളിൽ നിന്ന് ഇക്കാര്യം അറിഞ്ഞ ചില ഹിന്ദു സംഘടനകളും പാർട്ടികളും പ്രതിഷേധവുമായി രംഗത്തെത്തി. പിന്നാലെയായിരുന്നു അധ്യാപികയ്‌ക്കെതിരായ നടപടി.”വിഷയം ഞങ്ങൾ സമഗ്രമായി അന്വേഷിക്കുകയാണ്. അധ്യാപികയെ സസ്‌പെൻഡ് ചെയ്തിട്ടുണ്ട്, അന്വേഷണത്തിന്റെ ഫലത്തെ അടിസ്ഥാനമാക്കി തുടർനടപടികൾ സ്വീകരിക്കും” എന്ന് ഡിഇഒ പറഞ്ഞു. വിഷയത്തിൽ പോലീസ് ഇടപെട്ട് ഗോവധ നിയമപ്രകാരം പ്രാഥമിക അന്വേഷണം ആരംഭിച്ചു
പ്രതികരിക്കാൻ ഇവിടെ എഴുതുക: