ന്യൂദൽഹി : ദൽഹി അന്താരാഷ്ട്ര വിമാനത്താവളത്തിൽ എയർ ഇന്ത്യ വിമാനത്തിന് നേർക്ക് ബോംബ് ഭീഷണി. ഒരു ക്രൂ അംഗത്തിനാണ് വിമാനത്തിൽ ബോംബുണ്ടെന്ന് ഭീഷണിപ്പെടുത്തുന്ന ഒരു കത്ത് ലഭിച്ചത്.
എയർ ഇന്ത്യ ഫ്ലൈറ്റ് നമ്പർ 2948 ന് ആണ് കത്ത് ലഭിച്ചത്. തുടർന്ന് വിമാനം പരിശോധിച്ചെങ്കിലും അന്വേഷണ സംഘത്തിന് ഒന്നും തന്നെ കണ്ടെത്താനായില്ല. ഇതിനുശേഷം, ഇത് വ്യാജ കോൾ ആണെന്ന് സ്ഥിരീകരിച്ചു.
കഴിഞ്ഞ കുറച്ച് ആഴ്ചകളായി എയർ ഇന്ത്യ വിമാനങ്ങളിൽ നിരവധി സാങ്കേതിക, പ്രവർത്തന പ്രശ്നങ്ങൾ ഉയർന്നുവന്നിട്ടുണ്ട്. ഇത് എയർ ഇന്ത്യ വിമാനങ്ങളുടെ സുരക്ഷയെയും വിശ്വാസ്യതയെയും കുറിച്ച് ആശങ്കകൾ ഉയർത്തിയിട്ടുണ്ട്. ഇതിനോടകം തന്നെ നിരവധി വിമാനങ്ങൾ റദ്ദാക്കിയിട്ടുമുണ്ട്.
