മുംബൈ : ഷാരൂഖ് ഖാനും ഗൗരി ഖാനും വിവാഹിതരായിട്ട് വർഷങ്ങളായി. ഷാരൂഖ് ഖാൻ മുസ്ലീം വിശ്വാസിയാണ് . ഗൗരി ഹിന്ദുമതവിശ്വാസിയും . ഷാരൂഖ് ഖാൻ ഹിന്ദു ദൈവങ്ങളെ ആരാധിക്കുന്നതായും പലപ്പോഴും റിപ്പോർട്ടുകൾ വന്നിട്ടുണ്ട് . ഇപ്പോഴിതാ കോഫി വിത്ത് കരൺ എന്ന പരിപാടിയിൽ തങ്ങളുടെ വിശ്വാസങ്ങളെ കുറിച്ച് തുറന്ന് പറയുകയാണ് ഗൗരി ഖാൻ .
“ആര്യൻ ഖാൻ, ഷാരൂഖ് ഖാന്റെ മതത്തിൽ ശക്തമായി വിശ്വസിക്കുന്നു. ഞാൻ ഒരു മുസ്ലീമാണെന്ന് ആര്യൻ എപ്പോഴും പറയാറുണ്ട്. “ ഗൗരി പറയുന്നു . എല്ലാവരും ഓരോ വ്യക്തികളാണെന്നും അവരവരുടെ മതം പിന്തുടരുന്നവരാണെന്നും പറഞ്ഞ ഗൗരി, ഷാരൂഖ് എല്ലാവരുടെയും വിശ്വാസങ്ങളോട് എല്ലായ്‌പ്പോഴും തുല്യ ബഹുമാനം കാണിച്ചിട്ടുണ്ടെന്നും പറഞ്ഞു. ഷാരൂഖ് ഖാൻ വീട്ടിൽ ഗണപതി ഉത്സവവും മറ്റും ആഘോഷിക്കാറുണ്ട് . ഷാരൂഖ് ഖാൻ മുമ്പ് ഹിന്ദു ക്ഷേത്രങ്ങൾ സന്ദർശിച്ചിട്ടുണ്ടെന്നും ഗൗരി പറയുന്നു.
തിരുപ്പതിയിലും, വൈഷ്ണോദേവിയിലും എത്തി ഷാരൂഖ് പ്രാർത്ഥിച്ചിട്ടുണ്ട് . എല്ലാ മതങ്ങളെയും ബഹുമാനിക്കാൻ മക്കളെ പഠിപ്പിക്കാനാണ് ഞങ്ങളുടെ ശ്രമം. മകൻ അബ്രാമിന് ഷാരൂഖ് മഹാഭാരതം വായിച്ചു കൊടുക്കാറുണ്ട് . ഇസ്‌ലാമിൽ നിന്നുള്ള കഥകളും അബ്രാമിനോട് പറയുന്നുണ്ട്. മക്കൾ എല്ലാമതങ്ങളെയും കുറിച്ച് പഠിക്കണമെന്നും എല്ലാ മതങ്ങളെയും ബഹുമാനിക്കണമെന്നുമാണ് ഷാരൂഖിന്റെ ആഗ്രഹം’ ഗൗരി പറയുന്നു.
പ്രതികരിക്കാൻ ഇവിടെ എഴുതുക: