കൊല്ലം: വഴി ചോദിക്കാനെന്ന വ്യാജേന റോഡരുകില്‍ സ്‌കൂട്ടര്‍ നിറുത്തി വീട്ടമ്മയുടെ സ്വര്‍ണമാല പൊട്ടിച്ച് കടന്നുകളഞ്ഞ സൈനികന്‍ സിസിടിവിയില്‍ കുടുങ്ങി. ആലപ്പുഴ ചിങ്ങോലി സ്വദേശി ഷെഫീഖ് ആണ് പിടിയിലായത്. പശ്ചിമ ബംഗാളില്‍ കരസേനയില്‍ ക്ലാര്‍ക്ക് ആണ് ഷെഫീഖ്. കഴിഞ്ഞ ഞായറാഴ്ച കുരീപ്പുഴയിലായിരുന്നു സംഭവം. വീട്ടമ്മ നടന്നു പോകുന്നതിനിടെ ഷെഫീഖ് വാഹനം നിറുത്തി വഴി ചോദിക്കുകയായിരുന്നു. ഇതിനിടെ മാല പൊട്ടിച്ച് ഓടിച്ചു പോവുകയും ചെയ്തു. വീട്ടമ്മയുടെ പരാതിയെത്തുടര്‍ന്ന് അന്വേഷണം ആരംഭിച്ച അഞ്ചാലുംമൂട് പൊലീസ് സിസിടിവി ദൃശ്യങ്ങള്‍ പരിശോധിച്ചപ്പോഴാണ് പ്രതിയെ തിരിച്ചറിഞ്ഞത്. അവധിക്ക് നാട്ടില്‍ എത്തിയ ഷെഫീഖ് അടുത്ത ആഴ്ച തിരികെ ബംഗാളിലേക്ക് മടങ്ങാനിരിക്കുകയായിരുന്നു. ഇതിനിടയിലാണ് മാല മോഷണം നടത്തിയത്.
പ്രതികരിക്കാൻ ഇവിടെ എഴുതുക