ബോളിവുഡ് താരം അനുഷ്ക ശർമ്മയെ കാണുന്നതിനും വിവാഹം കഴിക്കുന്നതിനും വളരെ മുമ്പുതന്നെ ഇസബെല്ലെ ലെയ്റ്റ് എന്ന നടിയുമായി വിരാട് കോഹ്‌ലി ഡേറ്റിംഗ് നടത്തുന്നതായി കിംവദന്തികൾ പ്രചരിച്ചിരുന്നു. ഇപ്പോഴിതാ ഇസബെല്ലിന്റെയും വിരാടിന്റെയും ചിത്രങ്ങൾ വീണ്ടും സോഷ്യൽ മീഡിയയിൽ വൈറലാവുകയാണ്.
ഇസബെല്ലും വിരാടും രണ്ട് വർഷമായി ഡേറ്റിംഗ് നടത്തിയതിനു ശേഷമാണ് വേർപിരിഞ്ഞതെന്നാണ് ചില റിപ്പോർട്ടുകൾ പറയുന്നത്. ഒരു പരസ്യ ചിത്രീകരണത്തിനിടെയാണ് ഇരുവരും കണ്ടുമുട്ടിയതെന്നും റിപ്പോർട്ടുകളുണ്ട്. വിരാട് ഒരിക്കലും ഈ ബന്ധത്തെക്കുറിച്ച് സമ്മതിച്ചിട്ടില്ലെങ്കിലും 2014 ൽ ബോളിവുഡ് ഹംഗാമയ്‌ക്ക് നൽകിയ അഭിമുഖത്തിൽ ഇസബെല്ല ഒരിക്കൽ ഇതിനെക്കുറിച്ച് സംസാരിച്ചിരുന്നു.
ഞാൻ ഇന്ത്യയിൽ വന്നപ്പോൾ എനിക്ക് ലഭിച്ച ആദ്യത്തെ ഇന്ത്യൻ സുഹൃത്തുക്കളിൽ ഒരാളായിരുന്നു വിരാട്. ഞങ്ങൾ വളരെക്കാലമായി ഡേറ്റിംഗിലായിരുന്നു. ഏകദേശം രണ്ട് വർഷത്തോളം ഞങ്ങൾ ഒരുമിച്ചായിരുന്നു. പക്ഷേ അത് പരസ്യമാക്കാൻ ഞങ്ങൾ ആഗ്രഹിച്ചില്ല’ എന്നാണ് നടി പറഞ്ഞത്.
‘സിക്‌സ്റ്റീൻ’, ‘പുരാണി ജീൻസ്’, ‘മിസ്റ്റർ മജ്‌നു’ തുടങ്ങിയ ഹിന്ദി സിനിമകളിൽ നടി അഭിനയിച്ചിട്ടുണ്ട്. ആമിർ ഖാനൊപ്പം ‘തലാഷ്’ എന്ന ചിത്രത്തിലും വിജയ് ദേവരകൊണ്ടയ്‌ക്കൊപ്പം ‘വേൾഡ് ഫേമസ് ലവർ’ എന്ന ചിത്രത്തിൽ അവർ അഭിനയിച്ചു. വിവാഹിതയായ നടി ഖത്തറിലെ ദോഹയിലാണ് താമസിക്കുന്നത്. യാത്ര, ജീവിതം, കുഞ്ഞുങ്ങൾ എന്നിവയെക്കുറിച്ചുള്ള വിശേഷങ്ങളെല്ലാം പങ്കുവയ്‌ക്കാറുണ്ട്.
പ്രതികരിക്കാൻ ഇവിടെ എഴുതുക: