പൂക്കളുടെ പുസ്തകം എന്ന പേരില് പൂക്കളെക്കുറിച്ച് വിശദീകരിക്കുന്ന സിപിഎമ്മിന്റെ എം. സ്വരാജിനെതിരെ ഉയരുന്ന വിമര്ശനം ഇനിയും അവസാനിച്ചിട്ടില്ല. നിലമ്പൂര് ഉപതെരഞ്ഞെടുപ്പിന്റെ സമയത്ത് ഈ പുസ്തകത്തെക്കുറിച്ചുള്ള വിമര്ശനം രൂക്ഷമായിരുന്നു. വിക്കിപീഡിയ ഉള്പ്പെടുള്ള പേജുകളില് നിന്നുമാണ് പൂക്കളെക്കുറിച്ചുള്ള വിശദാംശങ്ങള് അതേ പടി എടുത്ത് ചേര്ത്താണ് സ്വരാജ് സ്വന്തം പുസ്തകം രചിച്ചിരിക്കുന്നത് എന്നതാണ് വിമര്ശനം.
സ്വരാജിന്റെ പുതിയ പുസ്തകമായ ‘പൂക്കളുടെ പുസ്തകം’ എന്ന പുസ്തകത്തില് അശോകത്തെക്കുറിച്ച് പറയുന്നുണ്ട്. കാളിദാസന്റെ നാടകമായ മാളിവികാഗ്നിമിത്രം എന്ന നാടകത്തിലും അശോകത്തെക്കുറിച്ച് കാളിദാസന് പറയുന്നുണ്ട്. സുന്ദരിമാരുടെ പാദസ്പര്ശമേറ്റാല് അശോകവൃക്ഷം പൂക്കുമെന്ന് കാളിദാസന് മാളിവികാഗ്നിമിത്രം എന്ന നാടകത്തില് പറഞ്ഞിട്ടുണ്ടെന്ന് സ്വരാജ് പറയുന്നു. പക്ഷെ ഇങ്ങിനെ അശോകത്തെക്കുറിച്ച് പറയുന്നതിനിടയില് സ്വരാജ് മലയാളം വിക്കിപീഡിയയില് അശോകത്തെക്കുറിച്ച് പറയുന്ന പേജിലെ ഒരു സംസ്കൃത ശ്ലോകം ഉദ്ധരണിയായി ചേര്ത്തിട്ടുണ്ട്. മലയാളം വിക്കിപീഡിയയില് അശോകം എന്ന പേജില് ആരോ ചേര്ത്തിട്ടുള്ള ശ്ലോകം അശോകത്തെക്കുറിച്ച് കാളിദാസന് മാളവികാഗ്നിമിത്രം എന്ന തന്റെ നാടകത്തില് പറഞ്ഞതായിരിക്കാം എന്ന് കരുതി സ്വരാജ് ചേര്ത്തിരിക്കുകയാണ്. എന്നാല് ഇത് കൃമിശല്യത്തിനുള്ള പ്രതിവിധി പറയുന്ന ചികിത്സാസംബന്ധിയായ സംസ്കൃത ശ്ലോകമാണെന്ന് ശ്രീജിത് പണിക്കര് പറയുന്നു. കാളിദാസന്റെ മാളവികാഗ്നിമിത്രത്തിലെ വരികൾ എന്ന മട്ടിൽ കൃമിശല്യത്തിനുള്ള പ്രതിവിധിയെ കുറിച്ചുള്ള സംസ്കൃത ശ്ലോകങ്ങൾ സ്വന്തം പുസ്തകത്തിൽ ഉൾപ്പെടുത്തിയ എം സ്വരാജിനെയാണ് കേരളത്തിലെ സാഹിത്യലോകം പാടിപ്പുകഴ്ത്തുന്നതെന്നും ശ്രീജിത് പണിയ്ക്കര് പറയുന്നു.
ഈ ശ്ലോകത്തില് ചക്രദന്തം എന്ന ഒരു സംസ്കൃത വാക്ക് സ്വരാജ് പറയുന്നുണ്ട്. മാളവികാഗ്നിമിത്രത്തില് ചക്രദന്തം എന്ന ഒരു വാക്കേ ഇല്ലെന്നും ശ്രീജിത് പണിയ്ക്കര് ചൂണ്ടിക്കാട്ടുന്നു.
ഈ പുസ്തകത്തിന്റെ പേരില് പൂമരന് എന്ന വിളിപ്പേര് പോലും സോഷ്യല് മീഡിയയില് പ്രചരിക്കുന്നതായി പറയുന്നു. സ്വരാജിന്റെ പുസ്തകത്തില് എത്രത്തോളം വിക്കിപീഡിയയിലെ ഉള്ളടക്കം അതേ പടി ചേര്ത്തിരിക്കുന്നു എന്ന ആരോപണം ഉന്നയിച്ച് കൃഷ്ണകുമാര് നടത്തിയ പോസ്റ്റ് ഏറെ കോളിളക്കം സൃഷ്ടിച്ചിരുന്നു. മലയാളം പീഡിയയിലെ വിവരങ്ങളും ഈ പുസ്തകത്തില് അതേ പടി സ്വരാജ് വാരിവിതറുന്നുണ്ടെന്നും കൃഷ്ണകുമാര് പറയുന്നു. സ്വരാജിന്റെ പാണ്ഡിത്യം വാഴ്ത്തുന്ന സാംസ്കാരിക നായകരെ തൊഴിക്കണമെന്ന് വരെ കൃഷ്ണകുമാര് പറഞ്ഞുവെയ്ക്കുന്നു.
കൃഷ്ണകുമാറിന്റെ വിമര്ശനം വായിക്കാം:
ഇനി പ്രമോദ് കുമാര് എന്നയാള് എഴുതിയ വിമര്ശനം വായിക്കാം:
ശ്രീജിത് പണിയ്ക്കരുടെ വീഡിയോ കാണാം:
