തിരുവനന്തപുരം: ശക്തമായ മഴയുടെ സാഹചര്യത്തില് സംസ്ഥാനത്തെ മൂന്ന് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് വ്യാഴാഴ്ച അവധി പ്രഖ്യാപിച്ചു. വയനാട്, തൃശൂര്, ഇടുക്കി ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് ജില്ലാ കളക്ടര്മാര് അവധി പ്രഖ്യാപിച്ചത്. പ്രൊഫഷണല് കോളേജുകള്ക്കും അവധി ബാധകമാണ്.
തൃശൂര്
തൃശൂര് ജില്ലയില് കനത്തമഴ തുടരുന്ന സാഹചര്യത്തില് മുന്കരുതല് നടപടിയുടെ ഭാഗമായി വ്യാഴാഴ്ച ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് അവധി പ്രഖ്യാപിച്ചു. സി.ബി.എസ്.സി, ഐ.സി.എസ്.സി, കേന്ദ്രീയ വിദ്യാലയം, അങ്കണവാടികള്, മദ്രസകള്, ട്യൂഷന് സെന്ററുകള്, ട്രെയിനിംഗ് ഇന്സ്റ്റിറ്റ്യൂട്ടുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകം. എന്നാല് റസിഡന്ഷ്യല് വിദ്യാഭ്യാസ സ്ഥാപനങ്ങള്ക്ക് അവധിയില്ല.നേരത്തേ നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റമില്ല.
വയനാട്
വയനാട് ജില്ലയില് വ്യാഴാഴ്ച ഓറഞ്ച് ജാഗ്രത പ്രഖ്യാപിക്കുകയും ശക്തമായ മഴ തുടരുകയും ചെയ്യുന്ന സാഹചര്യത്തില് ജില്ലയിലെ പ്രൊഫഷണല് കോളേജുകള് ഉള്പ്പെടെഎല്ലാ വിദ്യാഭ്യാസ സ്ഥാപനങ്ങള്ക്കും വ്യാഴാഴ്ച ജില്ലാ കളക്ടര് അവധി പ്രഖ്യാപിച്ചു. മദ്രസകള്ക്കും അംഗന്വാടികള്ക്കും അവധി ബാധകം. റസിഡന്ഷ്യല് വിദ്യാഭ്യാസ സ്ഥാപനങ്ങള്ക്കും നേരത്തേ നിശ്ചയിച്ച പരീക്ഷകള്ക്കും അവധി ബാധകമല്ല.
ഇടുക്കി
ജില്ലയില് കനത്ത മഴയും കാറ്റും തുടരുന്നതിനാല് അപകടങ്ങള് ഒഴിവാക്കാനായി പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വ്യാഴാഴ്ച ജില്ലാ കളക്ടര് അവധി പ്രഖ്യാപിച്ചു. അങ്കണവാടികള്,മദ്രസകള്, ട്യൂഷന് സെന്ററുകള്, ട്രെയിനിംഗ് ഇന്സ്റ്റിറ്റ്യൂട്ടുകള്, കേന്ദ്രീയ വിദ്യാലയം ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകം. എന്നാല് റസിഡന്ഷ്യല് വിദ്യാഭ്യാസ സ്ഥാപനങ്ങള്ക്ക് അവധി ഇല്ല..നഷ്ടപെടുന്ന പഠന സമയം ഓണ്ലൈന് ക്ലാസ്സുകള് ഉള്പ്പടെ നടത്തി ക്രമീകരിക്കുന്നതിന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കേണ്ടതാണെന്ന് കളക്ടറുടെ ഉത്തരവില് പറയുന്നു.
