ഇടുക്കി: മുല്ലപ്പെരിയാര്‍ വൃഷ്ടി പ്രദേശത്ത് കനത്ത മഴ തുടര്‍ന്നാല്‍ ജലനിരപ്പ് ഡാം റൂള്‍ കര്‍വ് ലെവലായ 136 അടിയിലെത്താന്‍ സാധ്യതയുണ്ടെന്നും സ്പില്‍വേ ഷട്ടറുകള്‍ തുറക്കേണ്ടിവരുമെന്നും മുല്ലപ്പെരിയാര്‍ അണക്കെട്ട് എക്‌സിക്യൂട്ടീവ് എന്‍ജിനീയര്‍ ജില്ലാ ഭരണകൂടത്തെ അറിയിച്ചു. നിലവില്‍ അണക്കെട്ടിലെ ജലനിരപ്പ് 133 അടിയിലെത്തി. ഇടുക്കിയില്‍ വ്യാഴാഴ്ചയും കനത്ത മഴ തുടരുമെന്നാണ് കാലാവസ്ഥാ പ്രവചനം.
പെരിയാര്‍ നദീതീരത്തിന് സമീപം താമസിക്കുന്നവര്‍ ജാഗ്രത പാലിക്കണമെന്ന് ജില്ലാ ഭരണകൂടം മുന്നറിയിപ്പു നല്‍കി.
ജില്ലയില്‍ വ്യാഴാഴ്ച കനത്ത മഴ പെയ്യുമെന്ന് പ്രവചിച്ച സാഹചര്യത്തില്‍ അങ്കണവാടികള്‍, നഴ്സറികള്‍, സ്‌കൂളുകള്‍, കോളേജുകള്‍ എന്നിവയുള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്ക് കളക്ടര്‍ അവധി പ്രഖ്യാപിച്ചു.
പ്രതികരിക്കാൻ ഇവിടെ എഴുതുക: