ന്യൂദൽഹി : പ്രധാനമന്ത്രി നരേന്ദ്ര മോദിയെ ആവർത്തിച്ച് പ്രശംസിച്ച പാർട്ടി എംപി ശശി തരൂരിനെതിരെ കോൺഗ്രസ് ദേശീയ പ്രസിഡന്റ് മല്ലികാർജുൻ ഖാർഗെ . നമുക്ക് രാജ്യമാണ് ആദ്യം, ചിലർക്ക് പ്രധാനമന്ത്രി മോദിയാണ് ആദ്യം എന്നാണ് ഖാർഗെയുടേ പരാമർശം. ശശി തരൂരും കോൺഗ്രസ് ഹൈക്കമാൻഡും തമ്മിലുള്ള അഭിപ്രായവ്യത്യാസങ്ങൾ പരസ്യമായി പുറത്തുവരുന്നതിനിടെയാണ് കോൺഗ്രസ് പ്രസിഡന്റിന്റെ ഈ പ്രസ്താവന.
ഖാർഗെയുടെ പ്രസ്താവനയ്‌ക്ക് പിന്നാലെ തിരുവനന്തപുരം എംപി ശശി തരൂരിന്റെ പ്രതികരണം പുറത്തുവന്നു. “പറക്കാൻ അനുവാദം ചോദിക്കരുത്, ചിറകുകൾ നിങ്ങളുടേതാണ്, ആകാശം മറ്റാരുടെയും സ്വന്തമല്ല” എന്ന് ശശി തരൂർ ഇൻസ്റ്റാഗ്രാമിൽ പോസ്റ്റ് ചെയ്തു. നേരത്തെ ഖാർഗെ “ശശി തരൂരിന്റെ ഇംഗ്ലീഷ് വളരെ നല്ലതാണ്. എനിക്ക് ഇംഗ്ലീഷ് ശരിയായി വായിക്കാൻ അറിയില്ല. അദ്ദേഹത്തിന്റെ ഭാഷ വളരെ നല്ലതാണ്, അതുകൊണ്ടാണ് ഞങ്ങൾ അദ്ദേഹത്തെ കോൺഗ്രസ് വർക്കിംഗ് കമ്മിറ്റി അംഗമാക്കിയത്.” എന്ന് പറഞ്ഞിരുന്നു.
പ്രതികരിക്കാൻ ഇവിടെ എഴുതുക