തിരുവനന്തപുരം: വയനാട് ദുരന്തത്തെത്തുടര്ന്ന് മേപ്പാടി ഗ്രാമപഞ്ചായത്തിലെ പുന്നപ്പുഴ നദിയില് അടിഞ്ഞു കൂടിയ ഉരുള്പൊട്ടലിന്റെ അവശിഷ്ടങ്ങള് നീക്കം ചെയ്യുന്നതിന് ഊരാളുങ്കല് ലേബര് കൊണ്ട്രാക്ട് സൊസൈറ്റിയെ ചുമതലപ്പെടുത്തി മന്ത്രിസഭാ തീരുമാനം.
195.55 കോടി രൂപയുടെ പ്രവൃത്തിക്കാണ് ഭരണാനുമതി നല്കിയത്. കേരള നിയമസഭാ മന്ദിരത്തിന്റെ സില്വര് ജൂബിലി ആഘോഷത്തിന്റെ ഭാഗമായി, നിയമസഭാ മന്ദിരത്തിലെ സെല്ലാറിലുള്ള ഡൈനിംഗ് ഹാളിന്റെ നവീകരണം അക്രെഡിറ്റഡ് ഏജന്സി മുഖേന നിര്വ്വഹിക്കുന്നതിന് 7.40 കോടി രൂപയുടെ ഭരണാനുമതി നല്കി.
കൊല്ലം താമരക്കുളം ഈസ്റ്റ് വില്ലേജില് കോര്പ്പറേഷന് നിര്മ്മിച്ച നാല് നില വാണിജ്യ കെട്ടിടത്തിന്റെ ഒരു നിലയില് വര്ക്ക് നിയര് ഹോം സ്പെയ്സ് ആരംഭിക്കാന് കൊല്ലം കോര്പ്പറേഷന് അനുമതി നല്കി.
