കൊച്ചി : നാലുവർഷം മുമ്പ് കൂട്ടിക്കലിൽ ഉരുൾപൊട്ടലിൽ ഒലിച്ചുപോയ നാടിന് കൈത്താങ്ങായി സേവാഭാരതി .മാനവ സേവ മാധവ സേവ എന്ന ആപ്തവാക്യത്തിന്റെ നേർ സാക്ഷ്യമായി മാറുകയാണ് കൂട്ടിക്കലിൽ സേവാഭാരതിയുടെ സ്നേഹനികുഞ്ജം പുനരധിവാസ പദ്ധതി.
ഗുണഭോക്തൃ കുടുംബമായ പാറയിൽ എടി ഷാജി ശോഭന ദമ്പതികൾക്ക് സമ്മാനിച്ചത് മുഖ്യാതിഥിയായ ഗവർണർ രാജേന്ദ്ര വിശ്വനാഥ് അർലേക്കർ സമ്മാനിച്ചത് സ്നേഹത്തിന്റെയും ത്യാഗത്തിന്റെയും വിശുദ്ധമായ യേശുദേവന്റെ ചിത്രമാണ് . മാത്രമല്ല ആ കുടുംബത്തിനൊപ്പം ഭക്ഷണം കഴിച്ച ശേഷമാണ് അദ്ദേഹം മടങ്ങിയത്.
സമീപകാല വിവാദങ്ങൾ ഉയരുന്നതിന് എത്രയോ മുൻപേ തീരുമാനിച്ചതായിരുന്നു സേവാ ഭാരതിയുടെ ഈ ജീവകാരുണ്യ ദൗത്യം. സേവാഭാരതിയെയും ആർ എസ് എസിനെയും കരിവാരിതേക്കുന്നവർക്ക് മുന്നിൽ അഭിമാനമായി, നേരിന്റെ സാക്ഷ്യമായി ഈ വസതികൾ .
എല്ലാവരും ഭാരതാംബയുടെ മക്കളാണ് – വസുധൈവ കുടുംബകം എന്ന ആർഷസംസ്കൃതിയുടെ കാലാതീതമായ സന്ദേശം. അതാണ് ഗുണഭോക്താക്കളെ നിശ്ചയിച്ചത് മുതൽ ഒരോ ചുവടിലും പ്രതിഫലിക്കുന്നത്.
