നിലമ്പൂര് : പി വി അന്വറെ കോണ്ഗ്രസിന് ഒപ്പം കൂട്ടുന്നതില് ആദ്യാവസാനം എതിര്പ്പുയര്ത്തിയ പ്രതിപക്ഷ നേതാവ് നിന്ന വി ഡി സതീശനെ പരോക്ഷമായി പഴിച്ച് രമേശ് ചെന്നിത്തല
പി വി അന്വര് കോണ്ഗ്രസിനൊപ്പം ഉണ്ടായിരുന്നെങ്കില് ആര്യാടന് ഷൗക്കത്തിന്റെ ഭൂരിപക്ഷം 25,000 കടന്നേനെയെന്ന് ചെന്നിത്തല പറഞ്ഞു. ആര്യാടന് ഷൗക്കത്തിന്റെ വിജയത്തിനുപിന്നാലെ മാദ്ധ്യമപ്രവര്ത്തകരോട് സംസാരിക്കുകയായിരുന്നു രമേശ് ചെന്നിത്തല.
‘ഞാനും കുഞ്ഞാലിക്കുട്ടിയും പി വി അന്വറിനെ കൂടെക്കൂട്ടാന് പരമാവധി ശ്രമിച്ചെങ്കിലും നടന്നില്ല. യുഡിഎഫ് എല്ലാക്കാലത്തും സിപിഎമ്മിനെതിരെ നിലപാട് സ്വീകരിച്ചവരെ കൂടെക്കൂട്ടിയിട്ടുണ്ട്. അതുകൊണ്ടുതന്നെ അന്വറിനെ കൂടെ കൂട്ടേണ്ടതായിരുന്നു എന്നുതന്നെയാണ് നിലപാട്. അന്വര് പിടിച്ച വോട്ടും ഭരണവിരുദ്ധ വികാരത്തിന്റെ വോട്ടുകളാണ്. അങ്ങനെ വരുമ്പോള് 25,000ല്പ്പരം വോട്ടുകള്ക്കാണ് ഇടതുപക്ഷം പരാജയപ്പെട്ടത്.രണ്ടുതവണ എല്ഡിഎഫ് പിടിച്ച സീറ്റാണ് ഇത്തവണ ആര്യാടന് ഷൗക്കത്ത് തിരിച്ചുപിടിച്ചത്. ഭരണവിരുദ്ധ വികാരമാണ് തിരഞ്ഞെടുപ്പില് പ്രതിഫലിച്ചത്. പിണറായി വിജയന് ഇനി രാജിവയ്ക്കുകയാണ് വേണ്ടത്. ‘- രമേശ് പറഞ്ഞു.
വി ഡി സതീശനെ പരോക്ഷമായി പഴിച്ച് രമേശ് ചെന്നിത്തല, അന്വര് ഉണ്ടായിരുന്നെങ്കില് ഭൂരിപക്ഷം 25,000 കടന്നേനെ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.