തൃശൂര്: മാളയില് എന്.എസ്.എസിന്റെ യോഗ ദിന പരിപാടിയില് ഭാരതാംബ വിവാദം. തിരുമുക്കുളം കരയോഗത്തില് നടന്ന പരിപാടിയില് മന്നത്ത് പത്മനാഭനൊപ്പം കാവി പതാകയേന്തിയ ഭാരതാംബയുടെ ചിത്രവും വച്ച് സംഘടിപ്പിച്ച ചടങ്ങിനെ ഒരു വിഭാഗം എതിര്ത്തു.
അന്താരാഷ്ട്ര യോഗ ദിനത്തോട് അനുബന്ധിച്ച് മാള കുഴൂരില് 2143ാം നമ്പര് തിരുമുക്കുളം കരയോഗം സംഘടിപ്പിച്ച പരിപാടിയിലാണ് പ്രശ്നം ഉണ്ടായത്. വാക്കുതര്ക്കത്തെ തുടര്ന്ന് പൊലീസ് സ്ഥലത്തെത്തി പരിപാടി നിര്ത്തിവയ്പിച്ചു.
കരയോഗ കമ്മറ്റി പിരിച്ചു വിടണമെന്ന് എതിര്പ്പുയര്ത്തിയ അംഗങ്ങള് ആവശ്യപ്പെട്ടു.കരയോഗം ആര്എസ് എസിന്റെയും ബി ജെ പി യുടെയും രാഷ്ട്രിയം പ്രചരിപ്പിക്കുന്നതിന് ഉപയോഗിക്കാന് അനുവദിക്കില്ലെന്ന വാദമാണ് ഇവര് ഉയര്ത്തിയത്.
