ഒട്ടാവ: കാനഡയിൽ വീണ്ടും ഒരു ഇന്ത്യൻ വിദ്യാർത്ഥിനിയുടെ മരണവാർത്ത പുറത്തുവരുന്നു. കാനഡയിലെ കാൽഗറി സർവകലാശാലയിൽ ഒരു ഇന്ത്യൻ വിദ്യാർത്ഥി മരിച്ചു. വാൻകൂവറിലെ ഇന്ത്യൻ കോൺസുലേറ്റ് ജനറൽ വ്യാഴാഴ്ചയാണ് ഈ വിവരം അറിയിച്ചത്.
ഇന്ത്യൻ വിദ്യാർത്ഥിനി തന്യ ത്യാഗിയുടെ പെട്ടെന്നുള്ള മരണത്തിൽ ദുഃഖമുണ്ടെന്ന് കോൺസുലേറ്റ് അറിയിച്ചു. അധികൃതരുമായി ബന്ധപ്പെട്ടിട്ടുണ്ടെന്നും ദുഃഖിതരായ കുടുംബത്തിന് ആവശ്യമായ എല്ലാ സഹായങ്ങളും നൽകുമെന്നും കോൺസുലേറ്റ് വ്യക്തമാക്കി. ഇന്ത്യൻ വിദ്യാർത്ഥി എങ്ങനെ ഏത് സാഹചര്യത്തിലാണ് മരിച്ചതെന്ന് ഉടൻ വ്യക്തമല്ല. ഇതിനായി അന്വേഷണം നടത്തുമെന്നും കോൺസുലേറ്റ് കൂട്ടിച്ചേർത്തു.
അതേ സമയം ഈ സംഭവത്തിന് ഏകദേശം 50 ദിവസം മുമ്പ് കാനഡയിൽ മറ്റൊരു ഇന്ത്യൻ വിദ്യാർത്ഥിനി കൂടി ദുരൂഹ സാഹചര്യത്തിൽ മരിച്ചിരുന്നു. നാല് ദിവസമായി കാണാതായിരുന്ന വിദ്യാർത്ഥിനിയായ വൻഷികയുടെ മൃതദേഹം സംശയാസ്പദമായ സാഹചര്യത്തിലാണ് കണ്ടെടുത്തത്. പഞ്ചാബിലെ ദേര ബാസി സ്വദേശിനിയായിരുന്നു വൻഷിക.
ഏപ്രിൽ 25 ന് മുറി അന്വേഷിക്കാൻ പോയപ്പോഴാണ് വൻഷികയെ കാണാതായത്. പെൺകുട്ടിയുടെ മൊബൈൽ ഫോണും സ്വിച്ച് ഓഫ് ആയിരുന്നു. പിന്നീട് സംശയാസ്പദമായ സാഹചര്യത്തിൽ കടൽത്തീരത്ത് നിന്നും വൻഷികയുടെ മൃതദേഹം കണ്ടെത്തുകയായിരുന്നു.
പ്രതികരിക്കാൻ ഇവിടെ എഴുതുക