ഇസ്ലാം ഉപേക്ഷിച്ച് സനാതന ധർമ്മം സ്വീകരിച്ച് മുഹമ്മദ് കരീം ; ലോകത്തിലെ ഏറ്റവും സഹിഷ്ണുതയുള്ള മതം ഹിന്ദുമതമാണെന്നും കരീം

ലക്നൗ : സനാതന ധർമ്മത്തിന്റെ പൗരാണികതയും ശാസ്ത്രീയ സ്വഭാവവും അറിയാനോ മനസ്സിലാക്കാനോ ശ്രമിക്കുന്ന ഏതൊരാളും ഹിന്ദുമതത്തിന്റെ അനുയായിയായി മാറാറുണ്ട്. അതിന് ഉദാഹരണമാണ് ഉത്തർപ്രദേശിലെ ലക്നൗ സ്വദേശിയായ മുഹമ്മദ് കരീം .സനാതനധർമ്മത്തിൽ ആകൃഷ്ടനായ മുഹമ്മദ് കരീമിന് വളരെക്കാലമായി സനാതന ധർമ്മത്തിൽ വിശ്വാസമുണ്ടായിരുന്നു. ഇസ്ലാം ഉപേക്ഷിച്ച് സനാതന ധർമ്മത്തിൽ ചേരാൻ അദ്ദേഹം ആഗ്രഹിച്ചിരുന്നു. ഇതിനായി അദ്ദേഹം ഹിന്ദു സംഘടനകളെ ബന്ധപ്പെട്ടു.

തുടർന്നാണ് ഗംഗാനദിയുടെ തീരത്തെ നീലകണ്ഠമഹാദേവ ക്ഷേത്രത്തിൽ ഹവനം അടക്കമുള്ള ചടങ്ങുകൾ നടത്തി അദ്ദേഹം ഹിന്ദു മതം സ്വീകരിച്ചത് .കരീം തന്റെ പേര് അമൻ ഷാ എന്ന് മാറ്റുകയും ചെയ്തു . സനാതന ധർമ്മമാണ് ഏറ്റവും ലോകത്തിൽ ഏറ്റവും സഹിഷ്ണുതയും ആദരവും നിറഞ്ഞ മതമെന്ന് അദ്ദേഹം പറഞ്ഞു.

‘ ഈ മതത്തിൽ എനിക്ക് സമാധാനവും സമത്വവും അനുഭവപ്പെട്ടു. എന്റെ തീരുമാനത്തിൽ ഒരു സമ്മർദ്ദവുമില്ലായിരുന്നു; അത് എന്റെ സ്വതന്ത്ര തീരുമാനമായിരുന്നു. ഈ പ്രക്രിയയിൽ എന്നെ പിന്തുണച്ച ഹിന്ദു സംഘടനയ്‌ക്കും ക്ഷേത്ര പുരോഹിതന്മാർക്കും നന്ദി ‘ അദ്ദേഹം പറഞ്ഞു..