തിരുവനന്തപുരം: നഴ്സുമാര്‍ക്ക് ഫ്രാന്‍സില്‍ തൊഴിലവസരം ലഭ്യമാക്കുമെന്ന് ഇന്ത്യയിലെ ഫ്രഞ്ച് അംബാസിഡര്‍ തിയെറി മതൗ അറിയിച്ചു. നഴ്സുമാര്‍ക്ക് ഭാഷാ പരിശീലനം നല്‍കാമെന്നും മുഖ്യമന്ത്രി പിണറായി വിജയനുമായി തിരുവനന്തപുരത്ത് നടത്തിയ കൂടിക്കാഴ്ചയില്‍ അംബാസിഡര്‍ വ്യക്തമാക്കി. ബ്ലൂ ഇക്കോണമിയുമായി ബന്ധപ്പെട്ട പ്രവര്‍ത്തനങ്ങള്‍ ശക്തിപ്പെടുത്താന്‍ ഫിഷറീസ് വകുപ്പുമായി ചേര്‍ന്ന് നടപടിയെടുക്കും. ഈ വിഷയത്തില്‍ സെപ്റ്റംബറില്‍ നടക്കുന്ന കോണ്‍ക്ലേവില്‍ ഫ്രാന്‍സില്‍ നിന്നുള്ള പ്രതിനിധികള്‍ പങ്കെടുക്കും.
ഐഎസ്ആര്‍ഒയുമായി ഫ്രാന്‍സിന് ശക്തമായ ബന്ധമുണ്ടെന്ന് പറഞ്ഞ തിയെറി മതൗ ഡിഫന്‍സ്, എയ്റോ സ്പെയ്സ് മേഖലകളിലുള്ള പങ്കാളിത്തം ശക്തിപ്പെടുത്തുന്നതിനുള്ള താത്പര്യം അറിയിച്ചു. കാലാവസ്ഥാ വ്യതിയാനം സംബന്ധിച്ച മേഖലയിലും സംയോജന സാധ്യതകള്‍ പരിശോധിക്കും.
പ്രതികരിക്കാൻ ഇവിടെ എഴുതുക