പെരുമണ്ണയില്‍ കെട്ടിടത്തിന്‌റെ ഒന്നാം നിലയിലെ വെല്‍ഡിംഗിനിടെ ഷോക്കേറ്റ് തെറിച്ചുവീണ് തൊഴിലാളി മരിച്ചു

കോഴിക്കോട് : കെട്ടിടത്തിന്‌റെ ഒന്നാം നിലയില്‍ വെല്‍ഡിംഗ് ജോലി ചെയ്യുന്നതിനിടെ ഷോക്കേറ്റ് തെറിച്ചുവീണ തൊഴിലാളി മരിച്ചു. കോഴിക്കോട് പെരുമണ്ണയിലാണ് സംഭവം. വെള്ളായിക്കോട് പടിഞ്ഞാറേക്കരയില്‍ അലവിക്കുട്ടി (56) ആണ് മരിച്ചത്. പെരുമണ്ണ മാര്‍ക്കറ്റിനു സമീപമുള്ള കെട്ടിടത്തിലെ ഒന്നാം നിലയില്‍ വെല്‍ഡിംഗ് ചെയ്യുന്നതിനിടെ ഷോക്കേറ്റ് താഴേക്ക് വീഴുകയായിരുന്നു. ഷോക്കേറ്റതിനേക്കാള്‍ വീഴ്ചയുടെ ആഘാതത്തിലാണ് മരണം സംഭവിച്ചത്. തലക്ക് സാരമായി പരിക്കേറ്റിരുന്നു. വൈകാതെ കോഴിക്കോട് മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ഫലമുണ്ടായില്ല.