തിരുവനന്തപുരം: കെഎസ്ആര്‍ടിസി ഡിപ്പോ ,സ്റ്റേഷന്‍ മാസ്റ്റര്‍ ഓഫീസില്‍ ലാന്‍ഡ് ഫോണ്‍ ഒഴിവാക്കി പകരം മൊബൈല്‍ ഫോണ്‍ വാങ്ങാന്‍ നിര്‍ദ്ദേശം. യാത്രക്കാര്‍ക്ക് ബന്ധപ്പെടാനാണ് മൊബൈലും സിംകാര്‍ഡും വാങ്ങുന്നത്. പുതിയ മൊബൈല്‍ നമ്പര്‍ ഡിപ്പോയില്‍ പ്രദര്‍ശിപ്പിച്ച ശേഷം ജൂലായ് ഒന്ന് മുതല്‍ മൊബൈല്‍ നമ്പറില്‍ യാത്രക്കാര്‍ക്ക് ബന്ധപ്പെടാം.
അതേസമയം പുനലൂര്‍ കെഎസ്ആര്‍ടിസി ഡിപ്പോയ്‌ക്ക് മുന്നില്‍ വ്യാഴാഴ്ച രാവിലെ ഒന്‍പതുമണിയോടെ ബസ് കാല്‍നടയാത്രക്കാരന്റെ ഇടതുകാലിലൂടെകയറിയിറങ്ങി.പുനലൂര്‍ കാഞ്ഞിരമല സ്വദേശി മുരുകേശനാണ് (52) അപകടത്തില്‍പ്പെട്ടത്. ഗുരുതരമായി പരിക്കേറ്റ ഇദ്ദേഹത്തെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
നഗരത്തിലെ സ്വകാര്യ ആശുപത്രിയിലെ ജീവനക്കാരനാണ് മുരുകേശന്‍. മലയോരഹൈവേയോടു ചേര്‍ന്ന് ബസുകള്‍ ഡിപ്പോയിലേക്ക് പ്രവേശിക്കുന്ന ഇടത്തിനരികിലൂടെ നടക്കവെയാണ് അപകടം. ആലപ്പുഴയില്‍ നിന്നും തെങ്കാശിയിലേക്ക് പോവുകയായിരുന്ന ഫാസ്റ്റ് പാസഞ്ചര്‍ ബസാണ് കാലിലൂടെ കയറി ഇറങ്ങിയത്.
പ്രതികരിക്കാൻ ഇവിടെ എഴുതുക: