തിരുവനന്തപുരം: സയണിസ്റ്റ് ഭീകരത ലോക സമാധാനത്തിന് ഭീഷണിയാണെന്ന് മുഖ്യമന്ത്രി പിണറായി വിജയന്‍. ഇസ്രയേലിനെതിരെ പ്രതിഷേധം ഉയര്‍ത്താന്‍ ഇന്ത്യ തയാറാകണം.
ഇസ്രായേലിനെതിരെ ലോകമാകെ ഒന്നിച്ച് ശബ്ദം ഉയര്‍ത്തണം. അമേരിക്കന്‍ സാമ്രാജ്യത്വം പിന്തുണച്ച് ഇറാന് എതിരെ ഇസ്രയേല്‍ നടത്തുന്ന ആക്രമണം നിര്‍ത്താന്‍ ലോകം ഒന്നിച്ച് നില്‍ക്കണമെന്ന് മുഖ്യമന്ത്രി പറഞ്ഞു.
സംഘര്‍ഷത്തെ തുടര്‍ന്ന് മടങ്ങിയെത്തുന്ന കേരളീയര്‍ക്ക് ആവശ്യമായ സൗകര്യം ഒരുക്കാന്‍ ദല്‍ഹി റസിഡന്റ് ഓഫിസര്‍ക്ക് നിര്‍ദ്ദേശം നല്‍കി. സംഘര്‍ഷം രൂക്ഷമായതിനെ തുടര്‍ന്ന് ഇറാനില്‍ നിന്ന് ഒഴിപ്പിച്ച ഇന്ത്യന്‍ വിദ്യാര്‍ത്ഥികളുമായുള്ള വിമാനം നാളെ പുലര്‍ച്ചെ ഇന്ത്യയില്‍ എത്തും.
ഇറാന് തലസ്ഥാനമായ ടെഹ്‌റാന്‍ വിട്ട 600 വിദ്യാര്‍ത്ഥികള്‍ ക്വോമ നഗരത്തില്‍ തുടരുകയാണ്. ഇറാനിലെ മലയാളികളെല്ലാം സുരക്ഷിതരാണെന്ന് സംസ്ഥാന സര്‍ക്കാരിന്റെ പ്രത്യേക പ്രതിനിധി പറഞ്ഞു.
പ്രതികരിക്കാൻ ഇവിടെ എഴുതുക