കോഴിക്കോട്: ജില്ലയില് കനത്ത മഴ തുടരുന്നു. കല്ലൂട്ടിവയല് ഷംസീര് (46 ),അന്നശ്ശേരി കുളങ്ങരത്തുതാഴം നക്ഷത്ര (രണ്ടര വയസ്) എന്നിവര് മഴക്കെടുതിയില് മരിച്ചു. വടകര താലൂക്കില് 11 വീടുകള് ഭാഗികമായി തകര്ന്നു.കോഴിക്കോട്, കൊയിലാണ്ടി താലൂക്കുകളിലായി രണ്ട് ദുരിതാശ്വാസ ക്യാമ്പുകള് പ്രവര്ത്തനം തുടങ്ങി.
രണ്ട് കുടുംബങ്ങളില് നിന്നായി 11 പേരെ ക്യാമ്പുകളിലേക്ക് മാറ്റി. മരം കടപുഴകി വീണ് താമരശേരി മുക്കം റോഡില് വെഴുപ്പൂര് സ്കൂളിന് മുന്വശം ഗതാഗത തടസം ഉണ്ടായി.
അതേസമയം കേരളത്തില് അടുത്ത അഞ്ച് ദിവസം വ്യാപകമായ മഴയ്ക്ക് സാധ്യതയുണ്ടെന്ന് കാലാവസ്ഥാ മുന്നറിയിപ്പ്. കണ്ണൂരും കാസര്ഗോഡും അടുത്ത 3 മണിക്കൂറില് 50 കിലോമീറ്റര് വരെ വേഗത്തില് ശക്തമായ കാറ്റിനും മഴക്കും സാധ്യതയുണ്ട്. താഴ്ന്ന പ്രദേശങ്ങളിലും നദീതീരങ്ങളിലും വെള്ളക്കെട്ട് / വെള്ളപ്പൊക്കം എന്നിവയ്ക്ക് സാധ്യത. ഉരുള്പൊട്ടലിനും മണ്ണിടിച്ചിലിനും സാധ്യതയുള്ളതിനാല് ജാഗ്രത പാലിക്കണമെന്ന് കാലാവസ്ഥാ വകുപ്പ് മുന്നറിയിപ്പ് നല്കി
