ടെഹ്റാൻ ; ഏകാധിപതി സദ്ദാം ഹുസൈന്റെ അതേ വിധി ഇറാന്റെ പരമോന്നത നേതാവ് ആയത്തുള്ള അലി ഖമേനിക്ക് നേരിടേണ്ടിവരുമെന്ന് മുന്നറിയിപ്പ് നൽകി ഇസ്രായേൽ പ്രതിരോധ മന്ത്രി . ടെഹ്‌റാനിലെ ജനങ്ങളോട് വീടുകൾ ഒഴിയാൻ ഇസ്രായേൽ നിർദ്ദേശിച്ചിട്ടുണ്ട്. ഇറാനെ ആക്രമിക്കുന്നത് തുടരുമെന്നും ഇസ്രായേൽ പ്രതിരോധ മന്ത്രി ഇസ്രായേൽ കാറ്റ്‌സ് പറഞ്ഞു.
ഇറാൻ ഇസ്രായേലി പൗരന്മാരെ ആക്രമിക്കുകയും യുദ്ധക്കുറ്റകൃത്യങ്ങൾ ചെയ്യുകയും ചെയ്തതായി ഇസ്രായേൽ കാറ്റ്‌സ് പറഞ്ഞു. അയത്തുള്ള അലി ഖമേനിയെ സ്വേച്ഛാധിപതി എന്നും ഇസ്രായേൽ കാറ്റ്‌സ് വിശേഷിപ്പിച്ചു. ഇസ്രായേൽ രാഷ്‌ട്രത്തിനെതിരെ യുദ്ധത്തിന് പോയ ഇറാഖി ഏകാധിപതി സദ്ദാം ഹുസൈന് എന്താണ് സംഭവിച്ചതെന്ന് ഇറാൻ ഓർമ്മിക്കണം .
സർക്കാർ, സൈനിക കേന്ദ്രങ്ങൾ ഇനിയും ഇസ്രായേൽ ആക്രമിക്കും.ഇറാൻ സർക്കാർ നയങ്ങൾ പ്രചരിപ്പിക്കുന്ന സ്റ്റേറ്റ് ടിവി ആസ്ഥാനമാണ് ഇസ്രായേൽ ആക്രമിച്ചത്. അതേ രീതിയിൽ, ഇറാന്റെ സർക്കാർ സ്ഥാപനങ്ങൾക്കെതിരായ ആക്രമണങ്ങൾ തുടരും.ടെഹ്റാൻ നിവാസികൾ, സ്വയം അപകടത്തിലാക്കരുത്, സ്വന്തം നിലനിൽപ്പിനായി നിങ്ങളെ ഉപയോഗിക്കുന്ന ഏകാധിപതിയുടെ ബന്ദികളാകരുത്.“ – ഇസ്രായേൽ കാറ്റ്‌സ് പറഞ്ഞു.
പ്രതികരിക്കാൻ ഇവിടെ എഴുതുക: