ജയ്പൂർ : രാജസ്ഥാനിൽ സർക്കാർ വകുപ്പുകളിൽ ഇനി മുഗൾ ഭാഷകൾക്ക് വിലക്ക്. പോലീസ് വകുപ്പിലും മറ്റ് സർക്കാർ വകുപ്പുകളിലും ഇതുവരെ ഉറുദു, പേർഷ്യൻ പദങ്ങളാണ് ഉപയോഗിച്ചിരുന്നത്. എന്നാൽ ഇനി മുതൽ മുഗൾ സ്വത്വത്തിന്റെ പ്രതീകങ്ങളായ ഉറുദു, പേർഷ്യൻ പദങ്ങൾ പോലീസ് വകുപ്പിലും മറ്റ് സർക്കാർ വകുപ്പുകളിലും ഉപയോഗിക്കരുതെന്നാണ് നിർദേശം . ഇതിനായി സംസ്ഥാന പോലീസ് വകുപ്പിന് സുപ്രധാന നിർദ്ദേശം സംസ്ഥാന മന്ത്രി ജവഹർ സിംഗ് ബേധാം നൽകിയിട്ടുണ്ട്.
ഇത് സംബന്ധിച്ച് സംസ്ഥാന ഡിജിപിക്ക് ജവഹർ സിംഗ് ബേധാം കത്തെഴുതിയിട്ടുണ്ട്. ഇതിൽ ഔദ്യോഗിക രേഖകളിലും പോലീസ് രേഖകളിലും ഉറുദു, പേർഷ്യൻ വാക്കുകൾ ഇനി ഉപയോഗിക്കരുതെന്നും, ഇനി മുതൽ ഹിന്ദി അല്ലെങ്കിൽ ഇംഗ്ലീഷ് പദങ്ങൾ പകരം ഉപയോഗിക്കാനുമാണ് നിർദേശിച്ചിരിക്കുന്നത്.
സർക്കാർ പ്രവർത്തനങ്ങൾ കൂടുതൽ സുതാര്യവും ലളിതവും പൊതുജനങ്ങൾക്ക് എളുപ്പവുമാക്കുക എന്നതാണ് ഈ നടപടിയുടെ ലക്ഷ്യം. ഉറുദു-പേർഷ്യൻ പദങ്ങളുടെ ഉപയോഗം ചിലപ്പോൾ സാധാരണക്കാർക്ക് മനസ്സിലാക്കാൻ ബുദ്ധിമുട്ടുണ്ടാക്കുമെന്നും ഇത് ഭരണ പ്രക്രിയകളിൽ ആശയക്കുഴപ്പം സൃഷ്ടിക്കുമെന്നും ബെധാം പറയുന്നു. ഈ മാറ്റം തദ്ദേശവാസികൾക്ക് സർക്കാർ പ്രവർത്തനങ്ങൾ നന്നായി മനസ്സിലാക്കാനും സഹായിക്കും. ഈ നിർദ്ദേശം നടപ്പിലാക്കാൻ അടിയന്തര നടപടികൾ സ്വീകരിക്കാൻ പോലീസ് വകുപ്പിനോട് ഉത്തരവിട്ടിട്ടുണ്ട്.
പ്രതികരിക്കാൻ ഇവിടെ എഴുതുക: