മുംബൈ/ലണ്ടൻ: ചൈനയിൽ സ്ഥാപിതമായതും സിംഗപ്പൂർ ആസ്ഥാനമായുള്ളതുമായ ഫാഷൻ ഭീമനായ ഷെയിനുമായുള്ള പങ്കാളിത്തം പ്രയോജനപ്പെടുത്തി റിലയൻസ് റീട്ടെയിൽ ഒരു വമ്പന് ആഗോള ഫാഷൻ മുന്നേറ്റത്തിന് ഒരുങ്ങുന്നു. ചൈനയിലെ ഷെയ് ന് ഫാഷന് വസ്ത്രങ്ങളെ ഒരിയ്ക്കല് ഇന്ത്യയില് മുകേഷ് അംബാനിയുടെ മകള് ഇഷ അംബാനി കൊണ്ടുവന്നതാണ്. പക്ഷെ ഇന്ത്യ-ചൈന അതിര്ത്തിപ്രശ്നങ്ങളെ തുടര്ന്ന് ഷെയ് ന് ആപ് ഇന്ത്യ സര്ക്കാര് നിരോധിച്ചു.
ഇത് മുകേഷ് അംബാനിക്ക് വലിയ ദുഖമുണ്ടാക്കി. തന്റെ മകളുടെ സംരംഭം പരാജയപ്പെട്ടത് മുകേഷിനെ വിഷമിപ്പിച്ചു. അതാണ് 2025ല് വീണ്ടും മകള് ചൈനയുടെ ഷെയ് ന് ഫാഷനെ ഇന്ത്യയില് എത്തിക്കുമ്പോള് മുകേഷ് അംബാനിയും അതിന് പിന്നില് വലിയ ശ്രദ്ധ അര്പ്പിക്കുന്നത്. മകള് തോല്ക്കരുതെന്ന ഒരു അച്ഛന്റെ ആഗ്രഹം കൂടി ഈ കരുതലിന് പിന്നില് ഉണ്ട്. മുകേഷ് അംബാനിയുടെ നേതൃത്വത്തിലുള്ള സ്ഥാപനം ഒരു വർഷത്തിനുള്ളിൽ 1,000 ഇന്ത്യൻ വസ്ത്ര വിതരണക്കാരുമായി ചേർന്ന് ആഭ്യന്തര, അന്തർദേശീയ വിപണികൾക്കായി ഷെയ്ൻ ബ്രാൻഡിന്റെ ഫാഷനുകള് നിർമ്മിക്കാൻ പദ്ധതിയിടുകയാണ്.
മാത്രമല്ല, നേരത്തെ ഷെയ് ന് വന്നതുപോലെയല്ല ഇപ്പോള് വരുന്നത്. ഷെയ് ന് ആപിന്റെ സമ്പൂര്ണ്ണ ചുമതല റിലയന്സിന്റെ കൈകളില് ആയതിനാല് ചാരപ്രവര്ത്തനമോ സുരക്ഷാ വെല്ലുവിളികളോ കേന്ദ്രസര്ക്കാരിന് സംശയിക്കേണ്ടി വരില്ല. മാത്രമല്ല, ഷെയ് ന് സൃഷ്ടിച്ച ഫാഷനുകള് അതേപടി ഇന്ത്യയില് ഉല്പാദിപ്പിക്കുന്നു, വിറ്റഴിക്കുന്നു. അത്രയേ ഉള്ളൂ.
ഇന്ത്യയിലെ ബജറ്റിലൊതുങ്ങുന്ന ഫാഷനുമായി കടന്ന് വന്ന് തരംഗമായി മാറിയ ടാറ്റയുടെ സൂഡിയോ എന്ന ഫാഷന് റീട്ടെയ്ല് ശൃംഖലയെ തോല്പിക്കുകയാണ് ലക്ഷ്യമെന്നറിയുന്നു. നിലവിൽ 150 നിർമ്മാതാക്കളുമായി പ്രവർത്തിക്കുന്ന റിലയൻസ്, 400 പേരുമായി സജീവ ചർച്ചകൾ നടത്തിവരികയാണ്. കൂടുതല് ഫാഷന് നിര്മ്മാതാക്കളെ അണിനിരത്തും. ഷെയ്ന് ഉൽപ്പന്നങ്ങളുടെ ആഗോള ഉൽപാദന കേന്ദ്രമായി ഇന്ത്യയെ മാറ്റുന്നതിനുള്ള ഒരു വലിയ തന്ത്രത്തിന്റെ ഭാഗം കൂടിയാണ് ഈ നീക്കം. പ്രത്യേകിച്ചും യുഎസ്-ചൈന വ്യാപാര യുദ്ധം ഫാഷന് രംഗത്തെ ചില്ലറ വ്യാപാരികളെ ചൈനയ്ക്ക് പുറത്ത് വിതരണ ശൃംഖലകൾ കെട്ടിപ്പൊക്കാന് നിർബന്ധിക്കുകയാണ്.
റിലയൻസ് വഴി ഷെയ്ൻഇന്ത്യ.ഇൻ എന്ന ആപ് ഒരുകാലത്ത് ചൈനയെ പിടിച്ചുകുലുക്കിയ ഫാഷനുകള് ഇന്ത്യൻ ഫാക്ടറികളില് ഉല്പാദിപ്പിക്കാന് പോവുകയാണ്. വലിയ വെല്ലുവിളിയും സാധ്യതയുമാണിത്. മാത്രമല്ല, ഫാഷനില് ഏറെ അഭിനിവേശമുള്ള മകള് ഇഷ വിജയിക്കുമെന്ന് തന്നെ അച്ഛനായ മുകേഷ് അംബാനി പ്രതീക്ഷിക്കുന്നു.
