ഒരു പേജ് പോലും അഗ്നിക്കിരയായില്ല : അത്ഭുതമായി ഈ പുണ്യഗ്രന്ഥം ; എയർ ഇന്ത്യ അവശിഷ്ടങ്ങൾക്കിടയിൽ നിന്ന് ഭദ്രമായി ലഭിച്ച് ഭഗവദ് ഗീത

ന്യൂദൽഹി ; 241 പേരുടെ ജീവൻ എടുത്ത എയർ ഇന്ത്യ വിമാനാപകടം നടന്ന ദുരന്തസ്ഥലത്ത് നിന്ന് ലഭിച്ചത് അഗ്നിക്കിരയാകാത്ത പുണ്യഗ്രന്ഥം ഭഗവദ് ഗീത . ഒരു പേജ് പോലും കത്തിയിട്ടില്ലാത്ത ഭഗവദ് ഗീതയുടെ ചിത്രങ്ങൾ സോഷ്യൽ മീഡിയയിൽ വൈറലാണ് . ചില പേജുകളിൽ ചെറുതായി ചാരം പറ്റിയതൊഴിച്ചാൽ പുസ്തകത്തിന് മറ്റ് കേടുപാടുകൾ ഒന്നും തന്നെ സംഭവിച്ചിട്ടില്ല.

അപകടസ്ഥലത്ത് വച്ച് ഒരാൾ ഭഗവദ് ഗീതയുടെ പേജുകൾ മറിച്ചുനോക്കുന്നത് ക്ലിപ്പിൽ കാണാം. പുസ്തകം പൂർണ രൂപത്തിൽ തന്നെ ലഭിച്ചിട്ടുണ്ട്. അപകടത്തിൽ പേജുകൾ കീറുകയോ കത്തിപ്പോവുകയോ ചെയ്തിട്ടില്ല. ഇതിനെ കുറിച്ച് ചോദിച്ചറിയുന്ന മാധ്യമപ്രവർത്തകയും ഭഗവദ് ഗീതയിൽ തൊട്ട് വന്ദിക്കുന്നത് കാണാം.

ജീവിതത്തെക്കുറിച്ചുള്ള ഒരു കാഴ്ചപ്പാട് നൽകുന്ന ഒരു വിശുദ്ധ ഗ്രന്ഥമാണ് ഭഗവദ്ഗീത, ശരിയായ രീതിയിൽ മനസ്സിലാക്കിയാൽ ഒരു വ്യക്തിക്ക് വളരെ നല്ല ജീവിതം നയിക്കാൻ സഹായിക്കും. ഇത്രയും വലിയ അപകടമുണ്ടായിട്ടും കേടുപാടുകൾ ഒന്നും ഇല്ലാതെ ലഭിച്ച ഭഗവദ് ഗീത അത്ഭുതമാണെന്നും ചിലർ പറയുന്നു.