ശ്രീനഗർ : കത്രയിൽ നിന്ന് കശ്മീരിലേക്കുള്ള വന്ദേഭാരത് വമ്പൻ ഹിറ്റായി മാറുന്നു. 530 സീറ്റുള്ള കത്ര-ശ്രീനഗർ വന്ദേഭാരതിൻറെ ആദ്യ ആഴ്ചയിൽ തന്നെ ടിക്കറ്റുകളെല്ലാം വിറ്റുപോയിരിക്കുകയാണ് . കത്രയിൽ നിന്ന് ശ്രീനഗറിലേക്കും തിരിച്ചും ദിവസം നാലു സർവീസാണ വന്ദേഭാരതിനുള്ളത്. വന്ദേഭാരതിൽ 478 ചെയർകാർ സീറ്റും 52 എക്സിക്യൂട്ടീവ് സീറ്റുമാണ് ഉള്ളത്.
കത്ര- ശ്രീനഗർ(26401) വന്ദേഭാരത് രാവിലെ 8.10-ന് പുറപ്പെടും. 11.08-ന് ശ്രീനഗറിൽ എത്തും. ചെയർകാർ ടിക്കറ്റിന് 715 രൂപയാണ് നിരക്ക്. സസ്യ ആഹാരവും ടിക്കറ്റിനൊപ്പം ചേർക്കാം. ചൊവ്വാഴ്ച ഓടില്ല. കത്ര-ശ്രീനഗർ(26403) ഉച്ചക്ക് 2.55-ന് പുറപ്പെടുന്ന ട്രെയിുൻ വൈകീട്ട് 5.53-ന് ശ്രീനഗറിൽ എത്തും
ചെയർകാർ ടിക്കറ്റിന് 660 രൂപയാണ് നിരക്ക്. ചായ, ലഘുപലഹാരം അടക്കം 695 രൂപയാണ്. എക്സിക്യൂട്ടീവ് ചെയറിന് 1270 രൂപ. ബുധനാഴ്ച സർവിസ് ഇല്ല. ശ്രീനഗർ-കത്ര (26404) രാവിലെ എട്ടിന് ശ്രീനഗറിൽ നിന്ന് പുറപ്പെട്ട് 10.58-ന് കത്രയിൽ എത്തും. ബുധനാഴ്ച ഈ ട്രെയിൻ ഓടില്ല. ശ്രീനഗർ-കത്ര (26402) ഉച്ച കഴിഞ്ഞ് രണ്ട് മണിക്ക് പുറപ്പെടുന്ന ട്രെയിൻ വൈകീട്ട് 4.58-ന് കത്രയിൽ എത്തും. ചൊവ്വാഴ്ച സർവ്വീസ് ഇല്ല.
പഹല്ഗാം ഭീകരാക്രമണത്തിന്റെയും ഓപ്പറേഷന് സിന്ദൂറിന്റെയുമൊക്കെ പശ്ചാത്തലത്തില് കശ്മീരിലേക്ക് ഉടന് ഒരു യാത്ര പോകുന്നത് സുരക്ഷതിമാണോയെന്ന ആശങ്ക പലരും പങ്കുവെച്ചിരുന്നു.
അതുകൊണ്ട് തന്നെ ഇന്ത്യയില് സര്വീസ് നടത്തുന്ന ട്രെയിനുകളില് ഏറ്റവും കൂടുതല് സുരക്ഷാവിന്യാസം ശ്രീനഗര് വന്ദേഭാരത് എക്സ്പ്രസിലാണ്. സ്പെഷ്യല് ഓപ്പറേഷനുകളില് പരിശീലനം ലഭിച്ച റെയില്വേ സംരക്ഷണ സേനയുടെ (RPF) CORAS കമാന്ഡോകളാണ് വന്ദേഭാരതിന്റെ സുരക്ഷയൊരുക്കുന്നത്. ബുള്ളറ്റ് പ്രൂഫ് ജാക്കറ്റുകള് ധരിച്ച് സ്പെഷ്യല് ഓപ്പറേഷന്സ് അസോള്ട്ട് റൈഫിളുകളുമേന്തിയ കമാന്ഡോകള് എല്ലാ ബോഗികളും വിന്യസിച്ചിട്ടുണ്ട്.
2019-ല് സ്ഥാപിതമായ റെയില്വേ സംരക്ഷണ സേനയുടെ കോറസ് കമാന്ഡോ യൂണിറ്റ് നക്സല് ബാധിത പ്രദേശങ്ങളിലും, വടക്ക് കിഴക്കന് സംസ്ഥാനങ്ങളിലും രാജ്യത്തിന്റെ അഭിമാനം ഉയര്ത്തുന്ന പല ഓപ്പറേഷനുകളും നടത്തിയിട്ടുള്ള സേനാ വിഭാഗമാണ്.
